NIMEKUWEKEA HAPA TAARIFA KWA VYOMBO VYA HABARI KUHUSU UCHAGUZI WA UBUNGE JIMBO LA MASASI

TANGAZO

Msimamizi wa Uchaguzi wa Jimbo la Masasi Fortunatus Mathew Kagoro.

TAARIFA KWA WAKAZI WA JIMBO LA MASASI

Msimamizi wa uchaguzi jimbo la Masasi anawatangazia wananchi wote kwamba kampeni za uchaguzi wa nafasi ya ubunge jimbo la Masasi zitaanza rasmi Novemba 15,2015 hadi Desemba 19,2015 na uchaguzi utafanyika Desemba 20,2015.

Uchaguzi huu unafanyika baada ya aliyekuwa miongoni mwa wagombea wa nafasi hiyo ya ubunge kwa jimbo la Masasi kupitia chama cha NLD Dk.Emanuel John Makaidi kufariki dunia Oktoba 15, 2015 huko katika Hospitali ya Misheni ya Mtakatifu Walburger Nyangao mkoani Lindi kutokana na tatizo la shinikikizo la damu.

Kwa upande wa chama cha NLD kitafanya uteuzi wake wa kumpata mrithi wa Dk.Makaidi atakayepeperusha bendera ya chama hicho na hatimaye jina hilo kuwasilishwa kwa msimamizi wa uchaguzi Novemba 14, 2015 kabla ya saa 10:00 jioni.

Tayari vyama vinne vimewasilisha majina ya wagombea wao watakaowania nafasi hiyo ya ubunge jimbo la Masasi ambao ni:

1. Rashid Chuachua-CCM

2. Ismail Makombe (Kundambanda)-CUF

3. Mustapha Swalehe-CHADEMA

4. Dk.Peter Timothy Omari-ACT-WAZALENDO.

Msimamizi wa uchaguzi jimbo la Masasi anaendelea kutoa wito kwa wananchi wote wa jimbo hilo kushiriki kikamilifu kwenye zoezi zima la kampeni mpaka siku ya uchaguzi kwa amani na utulivu kama ilivyokuwa hapo mwanzo wakati wa uchaguzi wa Rais na madiwani uliofanyika oktoba 25,2015.

Kwa undani wa Habari hii pia unaweza kutembelea www.masasitc.go.tz

Ahsante.

Imetolewa na Idara ya Habari,Mawasiliano na Mahusiano,

S.L.P.447,
Simu: 023 - 2510685, 
E-Mail:masasitc@mtwara.go.tz 
Website:www.masasitc.go.tz
Halmashauri ya mji wa Masasi-Mtwara.
Tarehe 10, Novemba 2015.

TANGAZO

Facebook Blogger Plugin by WAYEGE CO.LTD

Filed Under: Uwanja wa Siasa Tuesday, 10 November 2015