Mtazamo Mpya

Moja ya maeneo ya Mji wa Masasi.

JAMHURI YA MUUNGANO WA TANZANIA

OFISI YA RAIS

TAWALA ZA MIKOA NA SERIKALI ZA MITAA

HALMASHAURI YA MJI MASASI

TAARIFA KWA UMMA KUPITIA VYOMBO VYA HABARI

MKURUGENZI WA HALMASHAURI YA MJI WA MASASI BI.GIMBANA EMANUEL NTAVYO ANAWATANGAZIA WAFANYABIASHARA WOTE WALIOPANGA BIASHARA ZAO PEMBEZONI MWA BARABARA KUU YA MTWARA-MASASI ZIKIWEMO SARUJI,CHUMVI,NGUO,SOFA,TOFALI NA NYINGINEZO NYINGI KUWA WANATAKIWA KUONDOA BIASHARA HIZO MARA MOJA KWANI HUO NI MOJA YA UCHAFU.

MAENEO AMBAYO MABANDA YA BIASHARA YASIYO RASMI YATAONDOLEWA NI PAMOJA NA STENDI KUU YA MABASI, ENEO LILILO NYUMA YA OFISI YA TANESCO, ENEO LILILO NYUMA YA BENKI YA NMB NA NBC, REST CAMP, BARABARA YA NEWALA, TUNDURU, NACHINGWEA NA BARABARA YA MTWARA/LINDI.

AIDHA MKURUGENZI WA MJI ANAWATAKA KUONDOKA MARA MOJA WATU WOTE WANAOFANYA BIASHARA YA KUOSHA MAGARI,BAJAJ NA PIKIPIKI SEHEMU ZISIZO RASMI HASA PEMBEZONI MWA BARABARA KUU PAMOJA NA WANAONUNUA VYUMA CHAKAVU NA KWAMBA WATAKAOSHINDWA KUTII AGIZO HILI HALALI WATAONDOLEWA NA MAMLAKA HUSIKA.

KIKOSI KAZI KIKIONGOZWA NA OFISI YA MKURUGENZI WA HALMASHAURI YA MJI WA MASASI KIMEPANGA KUENDELEA KUFANYA OPERESHENI MAALUMU KWA MARA NYINGINE ITAKAYOANZA JUMATANO AGOSTI 17,2016 YA KUONDOA VIBANDA VIDOGO VIDOGO VYA BIASHARA,WANAOOSHA MAGARI,WANAONUNUA VYUMA CHAKAVU PEMBEZONI MWA BARABARA KUU BILA YA KUPATA KIBALI KUTOKA KWA MAMLAKA HUSIKA LENGO LIKIWA NI KUUFANYA MJI WA MASASI KUWA SAFI.

OPERESHENI HII NI MAALUMU AMBAYO INALENGA KUWAONDOA WAFANYABIASHARA WOTE WANAOENDESHA BIASHARA ZAO NDANI YA MJI WA MASASI PASIPO KUFUATA UTARATIBU MAALUMU UNAOTOLEWA NA WATAALAMU WA MIPANGO MIJI WA HALMASHAURI YA MJI WA MASASI.

AIDHA MKURUGENZI WA HALMASHAURI YA MJI WA MASASI ANAWAKUMBUSHA WANANCHI WOTE WA MJI WA MASASI KUWA ZOEZI LA USAFI WA MAZINGIRA LINAENDELEA NA KILELE KITAKUWA JULAI 27 AMBAPO KIMKOA KITAFANYIKA WILAYA YA MASASI KUANZIA SAA 12:00 ASUBUHI HADI SAA 4:00 ASUBUHI.

KAULI MBIU: “ONA AIBU KUISHI NA UCHAFU, IFANYE MASASI IWE SAFI”

Clarence Chilumba,

Afisa Habari na Uhusiano,

Halmashauri ya mji,

MASASI.
Agosti 14, 2016.

Soma Zaidi

Filed Under: News Sunday 14 August 2016

Mojawapo ya Kituo kilchotumika katika Utengenezaji wa Madawati Halmashauri ya Mji wa Masasi.

JAMHURI YA MUUNGANO WA TANZANIA

OFISI YA RAIS

TAWALA ZA MIKOA NA SERIKALI ZA MITAA

HALMASHAURI YA MJI MASASI

ZOEZI LA UTENGENEZAJI WA MADAWATI 2016

TAARIFA KWA UMMA KUPITIA VYOMBO VYA HABARI

Halmashauri ya mji Masasi ni moja ya halmashauri 9 zilizopo katika mkoa wa Mtwara. Masasi Mji ina jumla ya shule za msingi 33 za serikali na 2 za binafsi. Pia kuna shule za sekondari 9 za serikali na 1 ya binafsi. Kati ya shule hizo kuna sekondari 1 ya bweni ya wasichana .Shule za serikali za msingi zina jumla ya wanafunzi 18305 ambapo wavulana 9065 na wasichana 9240. Ikama hii inapelekea kuwa na mahitaji ya madawati 6112 ambayo ni ya wanafunzi watatu kila moja. Kwa upande wa sekondari kuna wanafunzi 3664 ambapo wavulana ni 1501 na wasichana 2163 wanaofanya mahitaji ya viti 3664 na meza 3664.

1. UTEKELEZAJI WA AGIZO LA RAIS

Rais wa Jamhuri ya Muungano wa Tanzania Dr. John P. Magufuli aliagiza wakuu wa mikoa wote kuhakikisha kuwa hadi kufikia juni 30, 2016 wanafunzi wote wawe wanakaa katika madawati.

· Mikakati ya Utekelezaji

Baada ya agizo hilo halmashauri ya Mji wa Masasi tulijiweka mikakati ya kuhakikisha tunaendana na muda uliopangwa kwa zoezi hili. Ifuatayo ni mikakati tuliyojiwekea;

- Kubainisha miti iliyo ndani ya Halmashauri na kutafuta chain saw kwa ajili ya kupasua mbao na boliti zitakazosaidia katika kukarabati na kutengenezea madawati, meza na viti.

- Kufanya vikao na watendaji wa kata ili kuwaagiza kila kata kufanya vikao na kutafuta mbinu za kutatua tatizo ndani ya kata zao kwa usimamizi wa walezi wa kata.

- Kuwaandikia wafadhili na wadau mbalimbali ndani na nje ya Halmashauri kuomba michango yao.

- Kuomba kibali TFS cha kupasua mbao katika msitu wa Maparawe uliopo katika hifadhi ya Taifa.

· Hatua za Utekelezaji

Zoezi la kuondoa tatizo la upungufu wa madawati, viti na meza lilianza mwanzoni mwa April kwa kufuata hatua zifuatazo;

- Ofisi ya mkurugenzi kupitia ofisi yake ya Utumishi na idara za Elimu msingi na Sekondari ilikaa na watendaji wa kata pamoja na waratibu elimu kata kuwaeleza ukubwa wa tatizo na kuwataka kutafuta ufumbuzi.

- Kuandika maandiko kwa wadau mbalimbali ndani na nje ya wilaya. Zoezi hili lilifanyika na barua na maandiko yalisambazwa kwa wafanyabiashara na makampuni yaliyo ndani na nje ya halmashauri.

- Kuomba msitu wa kupasua mbao TFS ila gharama za kulipia miti kwa mita zilikuwa kubwa sana kiasi ofisi ya mkurugenzi kushindwa kuzihimili.

- Kukodi Chain Saw kwa upasuaji wa mbao na kupeleka shuleni ili kukarabati madawati,viti na meza mbovu shuleni. Gharama za upasuaji wa mbao na boliti zililipwa na Halmashauri. Jumla ya mbao 4074 na boliti 1310 zilipasuliwa katika zoezi hili. Mbao na boliti hizi zilitumika kukarabati meza, viti na madawati mashuleni. Pia zilitumika katika utengenezaji wa madawati ya mbao tupu na yale ya mbao na chuma. Baadhi zilitumika kutengenezea viti meza vya sekondari.

Aidha gharama za ukarabati wa madawati, viti na meza zilikuwa za shule kupitia fedha za ukarabati katika ruzuku zao shuleni. Kwa kiasi kikubwa zoezi hili lilifanikiwa kuokoa madawati 459 ya shule za msingi na takwimu zikabadilika na kuwa na upungufu wa madawati 1543 badala ya 2002 wa awali. Kwa upande wa sekondari mbao na boliti hizi zilisaidia katika ukarabati wa viti na meza 178 vilivyokuwa havitumiki.

Halmashauri iliamua kutengeneza madawati kwa kutumia vikundi mbalimbali vya ujasilia mali na viwanda vidogo. Madawati yalitengenezwa kwa awamu tatu(3). Kwanza tulitengeneza madawati 300 ya mbao tupu katika karakana ya Christopher Kirangi iliyopo Nyasa. Awamu hii iliendana na utengenezaji wa viti meza 300 katika karakana ya Hamza Nduru iliyopo Masasi mbovu. Awamu ya pili tulitengeneza madawati 300 ya mbao na mabomba mraba na viti meza 300 katika vikundi vya wajasiliamali mbalimbali. Awamu ya tatu tulitengeneza madawati 883 kwa kupitia kamati za shule zilizo na upungufu. Shule zilizokuwa na upungufu baada ya mgawo wa madawati 600 ni Mkomaindo, Mkuti, Nyasa, Maendeleo, Sabasaba na Kambarage.

· Michango ya Wadau

Halmashauri pia iliwaandikia wadau barua za kuomba msaada wa kutengenezewa madawati. Wadau walioandikiwa ni Benki zote zilizopo wilayani Masasi, vyama vya msingi vyote, wakandarasi wote wanaofanya kazi na halmashauri, Ikoiko LTD, wafanyabiashara wakubwa wenye maduka, nyumba za kulala wageni na wa mazao hapa mjini na makundi ya vijana. Katika hili waliotusaidia ni hawa wafuatao;

NA	MHISANI ALIYECHANGIA	VIFAA	MCHANGO Tsh.
1	VIJANA SACOS YA MASASI		95,000/=
2	WANYUMBANI CONSTRUCTION		620,000/=
3	MAKAPO CONSTRUCTION		600,000/=
4	MBARAKA BAWAZIR		100,000/=
5	DON DON LODGE		100,000/=
6	BRAVO INN		10,000/=
7	IKO IKO LTD		50,000/=
8	HAMZA NDURU		50,000/=
9	TUMIAMINIANE AMCOS		200,000/=
10	MKARAMANI AMCOS		53,000/=
11	MZAZI MACHOMBE	DAWATI 10
12	MUMBAKA AMCOS	MBAO 10
12	MUMBAKA AMCOS	BOLITI 10
13	MISITU KANDA (TFS)	DAWATI 50
		MBAO 331
		BOLITI 100
JUMLA		MBAO 341 BOLITI 110 DAWATI 60	1,878.000/=

2. HALI HALISI BAADA YA UTEKELEZAJI

· Hali ya madawati kwa sasa

Zoezi lilikamilika juni 27 baada ya Halmashauri kutengeneza madawati 1543 ya shule za msingi na viti meza 700 vya sekondari na kupokea dawati 60 toka kwa wadau na kufuta upungufu uliopo. Jedwali lifuatalo laelezea hali halisi hadi sasa;

	MAHITAJI	YALIYOPO	YALIYO KARABATIWA	YALIYO TENGENEZWA	JUMLA
MSINGI	6112	4110	459	1543	6112
SEKONDARI	3664	2886	78	700	3664

Kwa takwimu hizi Halmashauri ya Mji hatuna upungufu wowote wa madawati katika shule zetu za msingi na sekondari.

· Gharama zilizotumika katika zoezi

Gharama za zoezi hili la kutekeleza agizo la rais zimegawanyika katika awamu mbalimbali. Jedwali lifuatalo linaeleza;

NO	MAELEZO	KIASI
1	Shughuli za upasuaji wa mbao na uchukuzi wake	14,538,200.00
2	Madawati 300 ya mbao tupu katika karakana ya Kirangi	7,500,000.00
3	Viti meza 300 vya chuma na mbao kwa ajili ya Sekondari	10,500,000.00
4	Madawati 300 ya mbao na bomba za mraba( Square pipe) + VAT	14,181,048.84
5	Viti meza 300 vya sekondari vya Square pipe na mbao + VAT	12,105,773.40
6	Madawati 883 ambapo imelipwa fedha ya ufundi tu	23,244,530.00
7	Viti meza 100 vya sekondari vya Square pipe na mbao	3,500.000.00
JUMLA		85,569,552.24

3. HITIMISHO

Shughuli ya kutekeleza agizo la Mh. Rais ilikuwa na changamoto mbalimbali hadi kukamilika kwake. Kwanza twamshukuru mkuu wa wilaya kwa kujitoa kusimamia kwa karibu zoezi hili na pia tunawashukuru waheshimiwa madiwani wote walioongoza vikao katani kwa lengo la kutatua tatizo. Pia Idara ya Elimu kwa ujumla tunaipongeza ofisi ya Mkurugenzi na kamati mzima ya Madawati kwa ushirikiano mkubwa uliotufanya tuweze kumaliza zoezi hili zito. Mwisho tunawashukuru wadau wote waliochangia na wasiochangia ila walikuwa na nia ya kuchangia kwani mwisho wa hili ndio mwanzo wa zoezi lingine.

Imetolewa na,

Kitengo Cha Habari na Uhuisano,

Halmashauri ya Mji,

MASASI.

Agosti 13,2016.

Soma Zaidi

Filed Under: Magazetini Saturday 13 August 2016

Wananchi Wa Mji Wa Masasi Hii Hapa Ratiba Nzima Ya Siku Ya Usafi Wa Mazingira Jumamosi Tarehe 27/08/2016

Halmashauri ya Mji Masasi Kukutana na Wamiliki Wa Mabanda Ya Biashara "SOKOSELA" Jumatano Agosti 24,2016.

ZOEZI LA KUONDOA MABANDA YA BIASHARA YASIYO RASMI MJINI MASASI KUENDELEA JUMATANO 17/08/2016

NIMEKUWEKEA HAPA TAARIFA YA UTEKELEZAJI WA ZOEZI LA MADAWATI HALMASHAURI YA MJI WA MASASI.

Total Pageviews

Followers

Popular Posts