TANGAZO
Na Hamisi
Nasiri,Masasi.
MAASKOFU
na wachungaji wa makanisa mbalimbali wilayani Masasi mkoani
Mtwara
wameitaka Tume ya Taifa ya uchaguzi (NEC) kutenda haki kwa
kusimamia
kanuni na sheria ya uchaguzi kwa vyama vyote bila kuonyesha
kukibeba
chama kingine,jambo ambalo litasaidia kudumisha amani kwenye
uchaguzi
mkuu Oktoba 25 mwaka huu.
Aidha
maaskofu hao wamewataka wagombea wote wa vyama vya siasa nchini
wawe
tayari kukubali matokeo yatakayotangazwa na tume ya uchaguzi na
kwamba
mgombea atakayeshinda ndio chaguo la mungu ndani ya taifa hili.
Maaskofu
na wachungaji hao walipaza sauti zao mwanzoni mwa wiki walipokuwa wamekusanyika katika
viwanja
vya Boma wilayani hapa katika tamasha maalumu la kuliombea
taifa
amani katika kuelekea uchaguzi mkuu ujao Oktoba 25 mwka huu
ambapo
tamasha hilo lilihusisha viongozi wa makanisa mbalimbali mjini
hapa.
Akizungumza
kwa niaba ya waumini hao, Askofu wa kanisa la Pentekoste
la
Lukuledi Masasi Angelus Mchomanjoma alisema kuwa katika kipindi
hiki cha
kuelekea uchaguzi mkuu tume ya taifa ya uchaguzi inapaswa
itende
haki kwa vyama vyote katika kusimamia sheria ya uchaguzi ndipo
taifa
liendelee kuwa na amani pamoja na utulivu.
Askofu
huyo alisema viongozi wa dini nchini hawapaswi kufungamana na
vyama vya
siasa bali wao wanachoweka mbele kwa sasa ni suala la amani
na
utulivu katika uchaguzi mkuu na kusisitiza kuwa jambo la amani
linapaswa
kuwa endelevu.
Mchomanjoma
aliongeza kuwa mara nyingi amani hutoweka unapofika wakati
wa
uchaguzi hivyo vyombo vya ulinzi na usalama pia vizingatie sheria
na
maadili ya kazi yao na kwamba wasidhubutu kutimia nguvu kubwa ili
kuweza
kudumisha amani aidha wananchi wajitokeze kupiga kura.
“Natumia
fursa hii kukanusha kuwa baadhi ya watu na hasa wanasiasa
wanaosema
kwamba serikali haijafanya maendeleo yoyote tangu miaka 50
nasema
sio kweli yapo mambo mengi yamefanyika hasa katika utawala wa
Rais Mkapa na Kikwete ninawapongeza sana,”alisema Mchomanjoma.
Wakizungumzia
kuhusu amani na utulivu baadhi ya washiriki wa tamasha
hilo,
Diana Alfred pamoja na mchungaji wa kanisa la Pentekoste
uinjilisti
Masasi, Dickson Misanjo walisema amani ndio msingi wa taifa
la
Tanzania hivyo viongozi wawe makini katika kudumisha amani.
“Hawa
viongozi wasiwe na uchu wa madaraka wa kutaka kila mmoja apate
nafasi ya
kuongoza wajuwe amani ya taifa hili ipo mikononi mwao
tunaomba
amani isitoweke ndio lengo la tamasha letu leo hii,”alisema
Diana.
Kwa
upande wake katibu tawala wa wilaya ya Masasi, Danford Peter kwa
niaba ya
mkuu wa wilaya hiyo, alisema suala la amani linapaswa
kuzungumziwa
wakati wote na sio wakati wa uchaguzi pekee,kwani amani
ndio kila
kitu katika taifa linalotaka kupiga maendeleo.
Alisema
viongozi wa dini na wadau wengine wanayo nafasi kubwa ya
kutangaza
amani ili kulinusuru taifa kuingia katika machafuko hasa
katika
kipindi hiki cha uchaguzi hivyo kila mtanzania anatakiwa
kudumisha
amani na utulivu.
TANGAZO
Facebook Blogger Plugin by WAYEGE CO.LTD
