TANGAZO
TAARIFA
KWA VYOMBO VYA HABARI
Ndugu
wananchi wa Halmashauri ya Mji Masasi, Napenda kuchukua fursa hii kuwapongeza
hadi sasa kwa utulivu na amani iliopo
kwenye Kampeni za Udiwani katika Jimbo letu la Masasi Mjini. Leo naona
tukumbushane mambo machache kwa kipindi hiki sadi siku ya kupiga kura tarehe
25.10.2015.
Kwanza
nizungumzie juu ya Wapiga Kura WENYE ULEMAVU. Tume ya Taifa ya Uchaguzi kwa
kuzingatia Kifungu cha 6 (3) cha Sheria ya Taifa ya Uchaguzi, Sura ya 343,
inaelekeza kuwa, Waratibu wa Mikoa na Wasimamizi wa Uchaguzi wa Majimbo kuwapa
KIPAUMBELE WATU WENYE ULEMAVU. Hivyo basi inabidi tuwape kipaumbele. Sambamba
na hilo Wazee, akina mama wajawazito nao wapewe kipaumbele hapa naomba sana
BUSARA ITUMIKE katika hili.
Wapiga
kura wasioweza kupiga kura wenyewe, wasiojua kusoma na wasioona watasaidiwa na
watu watakaowateua wao wenyewe. Kwa kawaida mtu mmoja atamsaidia Mpiga kura
mmoja. Pale ambapo kutakuwa na Mpiga kura zaidi ya mmoja asiyeweza kupiga
kura mwenyewe kutoka katika Kaya moja basi mtu mmoja ataruhusiwa kuwasadia
wote.
KUFUNGUA KIKAO
Kituo
cha Kupigia Kura kitafunguliwa Saa 1.00 asubuhi.
KUFUNGA KITUO
Kituo
cha kupigia Kura kitafungwa Saa kumi kamili (10.00) jioni. Iwapo wakati wa
kufunga kituo watakuwepo wapiga kura katika mstari ambao wamefika kabla ya
wakati wa kufunga Kituo na hawajapiga kura, itabidi Msimamizi wa Kituo na
hawajapiga kura, itabidi Msimamizi wa Kituo awape nafasi ya kupiga kura zao.
Lakini asimruhusu mtu yeyote kujiunga katika mstari wa Wapiga Kura baada ya Saa
kumi kamili (10.00) jioni. Njia bora ya kuwazuia watu waliochelewa, ni
kumwamuru Mlinzi wa Kituo kusimama nyuma ya mtu wa mwisho katika mstari huo wa
Wapiga Kura.
2. Tume ya Taifa ya uchaguzi inatoa
ushauri ufuatao.
(i)
Vyama vya Siasa vihakikishe kuwa vitatimiza
wajibu wake kama ilivyoelekezwa katika Katiba ya Nchi, Sheria, Kanuni za
Uchaguzi, Maadili ya Uchaguzi na
Maelekezo ya Tume ya Taifa ya Uchaguzi.
(ii)
Vyama vinakumbushwa kwa Mujibu wa Kifungu
cha 85 cha Sheria ya Uchaguzi Na. 1 ya mwaka 1985 (Sura ya 343) na Kifungu cha
86 cha Sheria ya Uchaguzi wa Serikali za Mitaa Na. 4 ya mwaka 1979 (Sura ya
292), kutokuwepo kwa Wakala au Mgombea
mahali ambapo wanaruhusiwa kuwepo
katika hatua yoyote ya Uchaguzi, hakutazuia wala kubatilisha shughuli ya
Uchaguzi, iliyofanywa kwa Mujibu wa Sheria. Kwa Mfano.
(a) Saa
ya kuanza upigaji kura itakapofika, hata
kama Wakala hayupo Upigaji Kura utaanza.
(b) Saa
ya Kujumlisha Kura itakapofika, hata kama Wakala hayupo Upigaji Kura utaanza.
(c) Saa
ya Kutangaza Matokeo itakapofika, hata kama Wakala hayupo, Matokeo yatatangazwa
kwa Mujibu wa Sheria.
(iii)
Vyama vya Siasa viwaelimishe Wagombea na
Mawakala wao kuhusu taratibu zote za Uchaguzi
kwa gharama zao.
(iv)
Vyama vya Siasa viwahamasishe wanachama wao
na wananchi kwa ujumla umuhimu wa Kujitokeza na kushiriki kwenye Uchaguzi.
(v)
Baada ya Wapiga Kura kumaliza Kupiga Kura
zao, Tume inawashauri waondoke kurudi nyumbani na wasikaribie eneo la Upigaji
Kura.
NDUGU WANANCHI
SIKU HII MUHIMU NAOMBA SANA TENA SANA TUZINGATIE YAFUATAYO.
- MAMBO
YASIYORUHUSIWA KUFANYIKA SIKU YA KUPIGA KURA
(i)
Kufanya Kampeni ya aina yoyote
(ii)
Kuva Sare au alama za Chama, kubeba au
kubandika matangazo au kuimba nyimbo za Vyama na
(iii)
Kuendelea kuwepo katika Vituo vya Kupigia
Kura bila ya sababu yeyote.
2. WANAORUHUSIWA
KUINGIA KATIKA KITUO CHA KUPIGIA KURA
Watu wanaoruhusiwa
kisheria kuwepo ndani ya Kituo cha
Kupigia Kura.
(i)
Msimamizi wa Kituo.
(ii)
Msimamizi Msaididizi wa Kituo
(iii)
Mgombea
(iv)
Wakala
(v)
Mpiga Kura kwa ajili ya Kupiga Kura tu.
(vi)
Mtu anayemsaidia Mpiga kura asiyeweza Kupiga
Kura mwenyewe.
(vii) Mtazamaji
wa Uchaguzi aliyeidhinishwa na Tume ya Taifa ya Uchaguzi kwa maandishi.
(viii) Mjumbe
wa Tume ya Taifa ya Uchaguzi.
(ix)
Mkurugenzi wa Uchaguzi.
(x)
Afisa wa Tume
(xi)
Msimamizi wa Uchaguzi na Msimamizi
Msaidizi wa Uchaguzi.
(xii) Askari
Polisi au Mlinzi wa Kituo na
(xiii) Mratibu
wa Uchaguzi wa Mkoa.
Waandishi
wa Habari wataruhusiwa kwa Idhini ya Msimamizi wa Uchaguzi.
3. MAELEZO
YA NYONGEZA KWA WASIMAMIZI WA UCHAGUZI KUHUSU UPIGAJI KURA KATIKA UCHAGUZI
MKUU, 2015
Tume
ya Taifa ya Uchaguzi inaelekeza kwamba.
1. Mpiga
kura ambaye atakuwa na kadi ya Mpiga kura ila namba ya kadi yake ni tofauti na
namba iliyo kwenye Daftari la Kituo ataruhusiwa
kupiga kura.
2. Wapiga
kura ambao picha zao hazionekani vizuri au hazionekani kabisa kwenye kadi za
wapiga kura wataruhusiwa kupiga kura.
3. Wapiga
kura walioandikishwa na Tume na wanaishi katika maneo mapya ya kiutawala
yaliyogawanywa wakati au baada ya zoezi la Uandikishaji kukamilika hivyo majina
ya maeneo hayo kutofautiana na majina yaliyopo kwenye kadi zao wataruhusuwa kupiga kura.
4. Wapiga
kura walioandikishwa na kupata kadi lakini majina yao hayaonekani kwenye
Daftari wataruhusiwa kupiga kura.
5. Kwa
mujibu wa Sheria, Mpiga kura ni lazima awe na kadi ndiyo, aruhusiwe kupiga Kura.
Hivyo, Mpiga Kura asiye na Kadi hataruhusiwa
kupiga kura.
6. Wapiga
kura ambao wana kadi ya kupigia kura lakini hawamo katika Daftari la
kudumu la Wapiga kura Kituoni hawataruhusiwa kupiga kura.
MWISHO:
Wito
wangu kwa Wananchi wa Halmashauri ya Mji wa Masasi ni kujitokeza kwa wingi siku
hiyo ya tarehe 25.10.2015 ili tutumie nafasi yetu ya kumchagua Kiongozi
atakayetuongoza miaka 5 ijayo. Sambamba na hilo naomba tupige Kura, turudi
nyumbani wakati tukisubiri matokeo kwa kufanya hivyo tutalinda heshima zetu na
Uchaguzi utakuwa umefanyika kwa haki na Amani.
Asanteni
sana.
MUNGU IBARIKI MASASI, MUNGU IBARIKI
TANZANIA
IMETOLEWA NA:
FORTUNATUS
MATHEW KAGORO
MKURUGENZI
WA MJI
HALMASHAURI
YA MJI
MASASI
TANGAZO
Facebook Blogger Plugin by WAYEGE CO.LTD
