TANGAZO
HABARI LEO
MBUNGE wa jimbo la
Mpanda Mjini kwa miongo miwili, Said Amour Alfi (Chadema) amejiunga rasmi na
CCM. Amekuwa miongoni mwa makada 23 wa chama hicho, waliochukua na kurejesha
fomu za kuomba kugombea ubunge kwa tiketi ya CCM katika Uchaguzi Mkuu wa Oktoba
25, mwaka huu.
Arfi amechukua fomu
kuwania ubunge katika jimbo jipya la Nsimbo, wilayani Mlele. Mwanasiasa huyo
aliyewahi kuwa Makamu Mwenyekiti wa Taifa wa Chadema, chini ya uongozi wa
Freeman Mbowe, alitangaza kujivua uanachama wake Chadema hivi karibuni katika
mkutano wa hadhara katika uwanja wa Shule ya Msingi Kashaulili mjini Mpanda,
huku akisisitiza kuwa alikotoka alichoshwa na siasa za kinafiki.
Akizungumza na mjini
Mpanda, jana, Katibu wa CCM wa Mkoa wa Katavi, Averin Mushi amethibitisha kuwa
Arfi alichukua na kurejesha fomu za maombi ya kugombea ubunge katika jimbo
jipya la uchaguzi la Nsimbo kwa tiketi ya CCM .
Hivi karibuni , Tume
ya Taifa ya Uchaguzi (NEC) ilitangaza majimbo mapya ya uchaguzi, ambapo Jimbo
la Katavi limegawanywa na kuanzishwa kwa majimbo mawili ya Uchaguzi ya Nsimbo
na Kavuu.
Akitangaza idadi ya
makada wa CCM waliorejesha fomu za kuomba kugombea ubunge katika majimbo manne
ya uchaguzi mkoani humo, Mushi alieleza kuwa hadi pazia lilipokuwa likifungwa
Jumapili, makada 23 wa chama hicho, akiwemo Arfi, walikuwa wamerejesha fomu zao
.
Alisema kuwa katika
Jimbo la Nsimbo makada waliorejesha fomu ni pamoja na Arfi, Shaaban Hassanali
“Dallah”, Richard Mbogo, Manamba Emmanuel na Mapesa Frank.
Alitaja makada
waliorejesha fomu jimbo la Katavi kuwa ni Isaack Kamwele, Meneja wa Tanroads
mkoa wa Katavi na Shafi Mpenda ambaye ni Mhasibu wa kampuni ya magazeti ya
Serikali (TSN) inayochapisha gazeti hili na magazeti dada ya Daily News, Sunday
News, HabariLeo Jumapili na SpotiLeo.
Wengine ni Maganga
Kampala na Oscar Albano. Alisema katika jimbo jipya la Kavuu, waliorejesha fomu
ni Zumba Emmanuel Mselem, Abdallah Saida ambaye ni Mwenyekiti wa CCM mkoa wa
Katavi na Prudencia Kikwembe, Mbunge Viti Maalumu.
Kwa mujibu wa Mushi
katika jimbo la Mpanda Mjini, waliorejesha fomu ni Sebastian Kapufi, Gallus
Mgawe na Gabriel Mnyele. Katika jimbo la Mpanda Vijijini waliochukua na
kurudisha fomu ni Moshi Kakoso, Abdallah Sumry (mbunge wa zamani wa jimbo hilo)
, Willy Makufe, Elizabeth Sultan, Godfrey Nkuba, Rock Mgeju na Chifu Charles
Malaki.
Arfi aliyewahi kuwa
Makamu Mwenyekiti wa Chadema Taifa, kabla ya kujiuzulu wadhifa huo na baadaye
kujivua uanachama hivi karibuni aliwahi kutuhumiwa na Chadema kumsaidia Waziri
Mkuu, Mizengo Pinda kupita bila kupingwa katika Jimbo la Katavi (CCM) kwa
Uchaguzi Mkuu wa 2010 kwa kuwashawishi baadhi ya wagombea kuondoa majina yao.
Hata hivyo, Arfi
amekuwa akikanusha tuhuma hizo na kusababisha kutokuelewana na baadhi ya
viongozi wenzake ambapo alifikia uamuzi wa kujiuzulu nafasi ya Makamu Mwenyekiti
wa Chadema Taifa Novemba 22, mwaka 2013 kwa kile alichosema amechoshwa na siasa
za kinafiki ndani ya chama hicho.
Aidha, katika waraka
wake wa kujiuzulu Umakamu Mwenyekiti, alisema hakuwa tayari kubanwa na hata
kuchaguliwa aina ya marafiki. Sehemu ya waraka huo inasomeka:
“Kwa kipindi kirefu
zimekuwepo shutma dhidi yangu na kutiliwa mashaka mahusiano yangu na Mheshimiwa
Pinda (Mizengo), Waziri Mkuu pamoja na kulijadili katika vikao kadha Mpanda na
Dar es Salaam, bado yapo mashaka kwa nini alipita bila kupingwa hayo yalikuwa
maamuzi ya Wanampanda kwenu imekua ni tatizo, lakini hamsemi kwa nini majimbo
mengine 16 nchini yalipita bila kupingwa.
Mlikuwa wapi na nani
alaumiwe? huu ni unafiki wa kupindukia. “Aidha mmechukizwa sana kwa nini
nilihoji kauli ya Mwasisi wa Chama Mheshimiwa Mtei (Edwin) kutuchagulia
viongozi naomba ifahamike wazi kwamba huu ni mtazamo wangu na utabakia hivyo
siku zote kwa chama cha demokrasia kutoruhusu uongozi wa kiimla kwa kukidhi
matakwa ya waasisi ambao huvigeuza vyama kuwa mali binafsi.”
MWANANCHI
Baadhi
ya wabunge wa Chadema wamezungumzia taarifa zinazosambaa zikieleza kuwapo
mkakati wa Waziri Mkuu wa zamani, Edward Lowassa kuhamia katika chama hicho,
wengi wao wakimkaribisha.
Wakati wabunge hao wakikubali
kumpokea, Katibu Mkuu wa chama hicho, Dk Willibrod Slaa amesema wananchi
wasubiri mambo yatakapokuwa tayari badala ya kutegemea mitandao ya kijamii.
“Nitazungumza pale mambo
yatakapokuwa sawa, siwezi kuzungumza sasa, subirini… sasa hivi mambo mengi
yanazungumzwa kwenye mitandao,” alisema Dk Slaa ambaye pia anatajwa kuwa
mgombea wa chama hicho ndani ya Ukawa.
Msemaji wa Lowassa, Aboubakary
Liongo alipoulizwa kuhusu kuwapo kwa mpango huo alisema hawezi kulizungumzia
hilo kwa kuwa ni suala la mtu binafsi. Hata hivyo, jitihada za kumpata Lowassa
jana hazikufanikiwa kwani simu yake iliita pasi na kupokewa.
Hivi karibuni, idadi kubwa ya
madiwani wa CCM walirudisha kadi zao na kujiunga na Chadema wakisema sababu ni
kutoridhishwa na kukatwa kwa jina Lowassa kati ya wagombea urais wa CCM.
Kadhalika, mtandao wa kijamii
uliokuwa ukimuunga mkono mbunge huyo wa Monduli unajulikana kwa jina la 4U
Movement ulitangaza kuhamia Chadema hali inayoashiria kuwa kuna dalili ya
Lowassa pia kujiunga nao.
Wakiandika katika akaunti ya Twitter
ya 4U Movement, wafuasi hao walisema: “Ukimya ni hekima na ukimya ni busara.
Ukimya wa Edward Lowassa ni kutafakari Safari ya Matumaini... Tuungane kuyapata
mabadiliko nje CCM.”
Chadema ni kanisa
la wokovu
Akizungumzia taarifa hizo, Mbunge wa
Iringa Mjini, Mchungaji Peter Msigwa alikifananisha chama hicho na kanisa
ambalo kwa kawaida halikatai mtu, bali linawapokea wenye dhambi na kuwaongoza
kufanya toba.
“Chadema ni kama kanisa, hakataliwi
mtu, tunahubiri habari njema ya wokovu, ukija hapa unatubu unaendelea kufanya
kazi,” alisema.
Kuhusu viongozi wa CCM kuhamia
Chadema, Msigwa alisema inawezekana kasi hiyo inachagizwa na Lowassa kukosa
nafasi aliyoitaka ndani ya chama hicho.
“Unapokuwa mwanasiasa unakuwa na
wafuasi, inawezekana wengine wanaohamia Chadema ni watu wake ambao wameona mtu
wao amekosa nafasi aliyoitaka ndiyo maana wanakihama chama,” alisema.
Msigwa alisema Chadema ilikuwa
inakusanya wanachama wapya kwa muda mrefu hata kabla ya vuguvugu la Lowassa na
chama chake kuibuka na ushindi na wanaohamia wanafanya hivyo kwa sababu
wanakipenda chama na wameichoka CCM.
Huenda akatimiza
safari ya matumaini
Akizungumzia ujio wa Lowassa kwenye
chama hicho, Mbunge wa Arusha Mjini, Godbless Lema alisema iwapo Lowassa
atahamia Chadema anakaribishwa na huenda akaitimiza safari yake ya matumaini.
“Namkaribisha Lowassa Chadema,
huenda safari yake ya matumaini ikaishia huku, akawa mwanachama au hata
kiongozi,” alisema.
Alisema hakuna shaka kuwa mbunge
huyo wa Monduli ana nguvu ndani ya CCM ndiyo maana viongozi wengi wa chama
hicho wanakihama wakati huu.
“Hiyo ilijionyesha kuanzia kwenye
Kamati Kuu ya CCM, Halmashauri Kuu, Lowasa amekamata wajumbe kwa asilimia 80 na
hiyo ni ishara kuwa ameishika CCM,” alisema.
Lema aliongeza kuwa wanaoihama CCM
hawaihami kwa bahati mbaya, bali wameona mtu wao waliyemtarajia ameondoka.
“Ni wengi wanaohamia Chadema, kwa
sasa kadi zimetuishia na hiyo ni ishara kuwa CCM inakufa, ripoti za mikoa yote
tunazo,” alisema.
Mbunge wa Viti Maalumu, Lucy Owenya
alisema wanaoihama CCM kwa sasa wamegundua kuwa chama pekee kinachoweza
kutetea wananchi ni Chadema.
“Sisi tunawakaribisha kwa mikono
miwili, waje tuchape kazi, ilimradi wanafuata kanuni na taratibu za chama,
basi. Wamejionea wenyewe kuwa CCM hakuna chochote,” alisema.
Alisema CCM waliamua kupitisha
katiba bila kuwapo kwa Ukawa, lakini sasa wameona kuwa walichokifanya ni makosa
na wameanza kurudi Chadema ambako wanaamini kuna demokrasia ya kweli.
Mbunge wa Viti Maalumu, Cecilia
Paresso alisema: “Tunamkaribisha kwa mikono miwili. Tumekinyooshea CCM vidole
kwa muda mrefu kuwa kuna rushwa na makundi na hilo linajidhihirisha sasa.
Lakini wale wote wanaokuja Chadema, tunawakaribisha ili mradi wafuate kanuni na
taratibu zetu.”
Paresso alisema hana tathmini ya
kina kuhusu wafuasi wa Lowassa wanaoihama CCM, bali wanaokihama chama hicho
wameona kina matatizo.
Atakiwa akidhi
vigezo na masharti
Licha ya kuonyesha kumkaribisha,
katika chama hicho, baadhi ya wabunge walimtaka Lowassa afuate kanuni ili awe
mwanachama mwenye sifa.
Mbunge wa Mbozi Magharibi, David
Silinde alisema anakaribishwa lakini hana budi kufuata sheria na kanuni za
chama... “Anatakiwa afuate taratibu za chama, milango ipo huru, lakini afuate
kanuni… asije akafikiri ataleta taratibu zake hapa, sitakubali.”
Silinde alisema wanaohamia Chadema
hawajapendezwa na mwenendo mzima wa uteuzi wa mgombea wa urais na hivyo
wameifuata demokrasia ya kweli ndani ya chama hicho.
Mbunge wa Kawe, Halima Mdee hakutaka
kuzungumzia kwa undani suala hilo lakini alisema endapo atajiunga, chama hicho
kitampokea kulingana na vigezo na taratibu.
“Akihamia Chadema nitatoa maoni
yangu lakini ninachoweza kusema ni kuwa kila mtu ana haki ya kwenda chama
chochote ili mradi ana tija,” alisema.
Mdee alisema wanaCCM wanaohamia
Chadema wamesoma alama za nyakati na kuona kuwa CCM haiendani na ahadi zake.
Mbunge wa Viti Maalumu, Susan Lyimo
alisema, Lowassa ni binadamu wa kawaida kwa hiyo kuhamia kwake Chadema si kitu
cha ajabu ilimradi afuate kanuni... “Cha muhimu afuate masharti ya chama,
kanuni na taratibu, kama watu wanahama vyama vingine yeye ni nani asihame
CCM?”
Lyimo alisema wanaCCM wengine
wanakaribishwa kujiunga kwa sababu kwenye siasa hakuna rafiki wa kudumu wala
adui wa kudumu.
Mbunge wa Viti Maalumu, Pauline
Gekul, aliwataka wana CCM na Lowasa kuhamia zaidi Chadema ili kuunganisha
nguvu na kuichukua nchi.
“Mfikishie salamu Lowassa
mwambie karibu kwenye jeshi la ukombozi,” alisema.
Katibu wa CCM
amuonya
Akizungumza na waandishi wa habari
jana katika Ofisi za CCM Mkoa wa Dodoma, Katibu wa CCM mkoa huo, Albert Mgumba
alisema ingawa kuhama chama ni hiari ya mtu, Lowassa hapaswi kuchukua uamuzi wa
hasira kiasi hicho badala yake awe mstari wa mbele kuhamasisha umoja ndani ya
chama.
Alimtaka kutothubutu kuihama CCM na
endapo afanya uamuzi huo atambue kuwa hawezi kukisababishia pengo lolote zaidi
ya kujipunguzia hadhi yake ya kisiasa.
“Mgombea tuliyempata sasa ni makini
kuliko, anapendwa, utendaji wake unajulikana kila mahali,” alisema Mgumba.
Mgumba alisisitiza kuwa badala ya
Lowassa kuwa na mawazo ya kuihama CCM, anapaswa kutuliza fikra na kuonyesha
ukomavu wake kisiasa kwa kuwa mstari wa mbele kuwaonya na kuwatuliza wote
waliokuwa wakimuunga mkono ili wabaki kwa utulivu ndani ya chama na si vinginevyo.
“CCM siyo Mgumba, ni taasisi
iliyosimama. Lowassa anapaswa kutambua hilo, atulie na awe mstari wa kwanza
kuwaonya wanachama wachanga kisiasa, wasiokuwa na uzalendo ndani ya chama kwa
kumfikiria mtu badala ya chama na masilahi ya Taifa” alisema Mgumba.
MAJIRA
JESHI
la Polisi Kanda Maalumu ya Dar es Salaam, limefanikiwa kukamata majambazi
watano waliohusika kwenye tukio la uvamizi
wa Kituo cha Polisi Sitakishari, Julai 12, mwaka huu.
Katika tukio hilo, majambazi hao wanaokadiriwa kufikia 16 hadi 18, waliua askari polisi wanne, raia watatu, kujeruhi watu wanne akiwemo polisi mmoja, kupora silaha ambazo idadi yake haifahamiki.
Akizungumza na waandishi wa habari Dar es Salaam jana, Kamanda wa kanda hiyo, Kamishna Suleiman Kova, alisema baada ya tukio hilo, jeshi hilo lilianza operesheni maalumu likishirikisha vikosi mbalimbali.
Alisema Julai 17, mwaka huu, zilipatikana taarifa za kuaminika kuwa maeneo ya Tuangoma, Mkoa wa Kipolisi Temeke, kulikuwa na majambazi waliohusika kwenye tukio la ujambazi wa Kituo cha Sitakishari ambao walikuwa wakijiandaa kufanya uhalifu.
Jeshi hilo kupitia kikosi chake maalumu, kilikwenda eneo la tukio na kuweka mtego ili kuwanasa majambazi hao ambapo askari wa kikosi hicho, waliwasimamisha watu watano waliokuwa wamepakizana katika pikipiki mbili; lakini walikaidi kusimama na kuanza kurushiana risasi na polisi.
"Polisi waliwazidi nguvu watu hao na wote walikamatwa; watatu kati yao walikuwa wamejeruhiwa vibaya na kufariki dunia wakiwa njiani kukimbizwa hospitali ambao ni Abbas Hashim (mkazi wa Mbagala), Yassin (mkazi wa Kitunda Kivule) na Said (mkazi wa Kivule, Kijiji cha Mandimkongo Mkuranga).
"Watuhumiwa wawili, Ramadhani Ulatule (15), mkazi wa Kijiji cha Mandimkongo Mkuranga na Omary Amour (24), mkazi wa Mbagala Kimbangulile, walipatikana na kuhojiwa...katika tukio hilo ambapo ilipatikana bunduki moja aina ya SMG ambayo namba zake zilifutwa ikiwa na risasi 25," alisema Kamishna Kova.
Aliongeza kuwa, Julai 19, mwaka huu, jeshi hilo lilipata habari za kuaminika juu ya silaha zilizoporwa Kituo cha Sitakishari; kufichwa Mkoa jirani wa Pwani zikiwa porini katika eneo lisilofahamika vizuri.
Kundi kubwa linaloundwa na vikosi mbalimbali vya polisi, lilienda mkoani humo na kufanya msako katika Kijiji cha Mandimkongo, Kata ya Bupu, wilayani Mkuranga, katika msitu, kikosi hicho kilifukua kwenye shimo na kufanikiwa kupata bunduki 15 kati ya hizo, saba aina ya SMG, saba aina ya SAR, magazine moja ya SMG na risasi 28.
Kamishna Kova alisema, kati ya silaha zilizokamatwa, 14 ni za Kituo cha Sitakishari na mbili za majambazi wenyewe ikiwemo silaha moja aina ya Norinko ambayo inafanyiwa uchunguzi ili kujua iliibwa wapi.
Katika shimo hilo pia zilipatikana fedha taslimu za Tanzania sh. milioni 170 ambazo zilifungwa kwenye sanduku maalumu ambapo Kamishna Kova aliwaomba wananchi kutoa ushirikiano kwa jeshi hilo ili kulitokomeza kundi linalovamia vituo vya polisi, kuua askari, kupora silaha kwa kutumia usafiri wa pikipiki.
Aliongeza kuwa, jeshi hilo linawatafuta watu wengine waliotajwa kwa majina ya Abdulazizi Abdulrashid au Ustaadhi Abdulaziz, mkazi wa Dar es Salaam ambaye ni kiongozi wa kundi la wahalifu hao.
Wengine ni Shaban Mtumbuka au Amir Shaban Ndobe, Hannafi Kapela kwa jina maarufu Mkamba au Shekhe Hannafi, Hassan Issa (Dk. Shujaa), Zahaq Ngai (Mtu Mzima), Abubakar Ngindo (Abu Muhammad) na Khamis Ramadhan.
Alisema mbali na jeshi hilo kutoa donge nono la sh. milioni 50 kwa mtu ambaye atatoa taarifa ambazo zitafanikisha kukamatwa kwa majambazi wengine na silaha, jeshi hilo limeahidi kuongeza dau zaidi likiwataka wananchi waendelee kutoa taarifa hizo.
wa Kituo cha Polisi Sitakishari, Julai 12, mwaka huu.
Katika tukio hilo, majambazi hao wanaokadiriwa kufikia 16 hadi 18, waliua askari polisi wanne, raia watatu, kujeruhi watu wanne akiwemo polisi mmoja, kupora silaha ambazo idadi yake haifahamiki.
Akizungumza na waandishi wa habari Dar es Salaam jana, Kamanda wa kanda hiyo, Kamishna Suleiman Kova, alisema baada ya tukio hilo, jeshi hilo lilianza operesheni maalumu likishirikisha vikosi mbalimbali.
Alisema Julai 17, mwaka huu, zilipatikana taarifa za kuaminika kuwa maeneo ya Tuangoma, Mkoa wa Kipolisi Temeke, kulikuwa na majambazi waliohusika kwenye tukio la ujambazi wa Kituo cha Sitakishari ambao walikuwa wakijiandaa kufanya uhalifu.
Jeshi hilo kupitia kikosi chake maalumu, kilikwenda eneo la tukio na kuweka mtego ili kuwanasa majambazi hao ambapo askari wa kikosi hicho, waliwasimamisha watu watano waliokuwa wamepakizana katika pikipiki mbili; lakini walikaidi kusimama na kuanza kurushiana risasi na polisi.
"Polisi waliwazidi nguvu watu hao na wote walikamatwa; watatu kati yao walikuwa wamejeruhiwa vibaya na kufariki dunia wakiwa njiani kukimbizwa hospitali ambao ni Abbas Hashim (mkazi wa Mbagala), Yassin (mkazi wa Kitunda Kivule) na Said (mkazi wa Kivule, Kijiji cha Mandimkongo Mkuranga).
"Watuhumiwa wawili, Ramadhani Ulatule (15), mkazi wa Kijiji cha Mandimkongo Mkuranga na Omary Amour (24), mkazi wa Mbagala Kimbangulile, walipatikana na kuhojiwa...katika tukio hilo ambapo ilipatikana bunduki moja aina ya SMG ambayo namba zake zilifutwa ikiwa na risasi 25," alisema Kamishna Kova.
Aliongeza kuwa, Julai 19, mwaka huu, jeshi hilo lilipata habari za kuaminika juu ya silaha zilizoporwa Kituo cha Sitakishari; kufichwa Mkoa jirani wa Pwani zikiwa porini katika eneo lisilofahamika vizuri.
Kundi kubwa linaloundwa na vikosi mbalimbali vya polisi, lilienda mkoani humo na kufanya msako katika Kijiji cha Mandimkongo, Kata ya Bupu, wilayani Mkuranga, katika msitu, kikosi hicho kilifukua kwenye shimo na kufanikiwa kupata bunduki 15 kati ya hizo, saba aina ya SMG, saba aina ya SAR, magazine moja ya SMG na risasi 28.
Kamishna Kova alisema, kati ya silaha zilizokamatwa, 14 ni za Kituo cha Sitakishari na mbili za majambazi wenyewe ikiwemo silaha moja aina ya Norinko ambayo inafanyiwa uchunguzi ili kujua iliibwa wapi.
Katika shimo hilo pia zilipatikana fedha taslimu za Tanzania sh. milioni 170 ambazo zilifungwa kwenye sanduku maalumu ambapo Kamishna Kova aliwaomba wananchi kutoa ushirikiano kwa jeshi hilo ili kulitokomeza kundi linalovamia vituo vya polisi, kuua askari, kupora silaha kwa kutumia usafiri wa pikipiki.
Aliongeza kuwa, jeshi hilo linawatafuta watu wengine waliotajwa kwa majina ya Abdulazizi Abdulrashid au Ustaadhi Abdulaziz, mkazi wa Dar es Salaam ambaye ni kiongozi wa kundi la wahalifu hao.
Wengine ni Shaban Mtumbuka au Amir Shaban Ndobe, Hannafi Kapela kwa jina maarufu Mkamba au Shekhe Hannafi, Hassan Issa (Dk. Shujaa), Zahaq Ngai (Mtu Mzima), Abubakar Ngindo (Abu Muhammad) na Khamis Ramadhan.
Alisema mbali na jeshi hilo kutoa donge nono la sh. milioni 50 kwa mtu ambaye atatoa taarifa ambazo zitafanikisha kukamatwa kwa majambazi wengine na silaha, jeshi hilo limeahidi kuongeza dau zaidi likiwataka wananchi waendelee kutoa taarifa hizo.
MAJIRA
KIONGOZI wa Chama cha ACT-Wazalendo,
Bw. Zitto Kabwe, leo ataongoza mapokezi makubwa ya Mbunge wa Kasulu Mjini,
mkoani Kigoma, Bw. Moses Machali (NCCR-Mageuzi), ambaye atatambulisha rasmi
kuwa mwanachama wa ACT- Wazalendo.
Bw. Machali ataambatana na Madiwani wawili, Kamishna wa Mkoa mmoja, Katibu wake, Wenyeviti na Makatibu wa kata 12 zilizo kwenye Jimbo la Kasulu Mjini.
Taarifa iliyotolewa Dar es Salaam jana na ACT-Wazalendo, ilisema katika mapokezi hayo, Bw. Kabwe pia atawapokea Makatibu Uenezi tisa wa jimbo hilo lenye jumla ya kata 15 za uchaguzi.
Mbali na viongozi hao, wengine ambao wataambatana na Bw. Machali kujiunga ACT-Wazalendo ni Wenyeviti 101 wa Matawi na Makatibu 98 na wanachama 648 wote kutoka NCCR-Mageuzi, jimboni humo.
Kwa mujibu wa taarifa hiyo, baada ya mapokezi hayo, Bw. Kabwe atakwenda mkoani Shinyanga kuwapokea viongozi, madiwani kutoka vyama mbalimbali Julai 25, mwaka huu.
Julai 26, mwaka huu, Bw. Kabwe atakutana na watia azma wa nafasi ya ubunge katika majimbo ya Dar es Salaam kwa ajili ya kuweka mikakati ya ushindi wa kishindo.
Wakati Bw. Kabwe akiwa mkoani kwa ajili ya kuwapokea wanachama wapya, jijini Dar es Salaam Julai 22, mwaka huu, viongozi wengine watakuwa na jukumu la kuwapokea wanachama na waliokuwa madiwani katika vyama tofauti vya siasa nchini.
Bw. Machali ataambatana na Madiwani wawili, Kamishna wa Mkoa mmoja, Katibu wake, Wenyeviti na Makatibu wa kata 12 zilizo kwenye Jimbo la Kasulu Mjini.
Taarifa iliyotolewa Dar es Salaam jana na ACT-Wazalendo, ilisema katika mapokezi hayo, Bw. Kabwe pia atawapokea Makatibu Uenezi tisa wa jimbo hilo lenye jumla ya kata 15 za uchaguzi.
Mbali na viongozi hao, wengine ambao wataambatana na Bw. Machali kujiunga ACT-Wazalendo ni Wenyeviti 101 wa Matawi na Makatibu 98 na wanachama 648 wote kutoka NCCR-Mageuzi, jimboni humo.
Kwa mujibu wa taarifa hiyo, baada ya mapokezi hayo, Bw. Kabwe atakwenda mkoani Shinyanga kuwapokea viongozi, madiwani kutoka vyama mbalimbali Julai 25, mwaka huu.
Julai 26, mwaka huu, Bw. Kabwe atakutana na watia azma wa nafasi ya ubunge katika majimbo ya Dar es Salaam kwa ajili ya kuweka mikakati ya ushindi wa kishindo.
Wakati Bw. Kabwe akiwa mkoani kwa ajili ya kuwapokea wanachama wapya, jijini Dar es Salaam Julai 22, mwaka huu, viongozi wengine watakuwa na jukumu la kuwapokea wanachama na waliokuwa madiwani katika vyama tofauti vya siasa nchini.
MAJIRA
HATIMAYE Mbunge wa Jimbo la Maswa Magharibi, mkoani Shinyanga, kwa tiketi ya Chama cha Demokrasia na Maendeleo (CHADEMA), Bw. John Shibuda ametangaza rasmi kugombea tena ubunge wa jimbo hilo kwa tiketi ya Chama cha Tanzania Democratic Alliance (TADEA).
Akizungumza na gazeti hili kwa njia ya simu jana, Bw. Shibuda alisema ameamua kugombea kwa tiketi ya TADEA ili aendeleze shughuli mbalimbali za maendeleo alizozianza jimboni humo akiamini wapigakura wake wataendelea kumuunga mkono kama ilivyokuwa mwaka 2010.
Alisema suala la kuwatumikia wananchi haliangalii chama cha siasa; bali mgombea na wanachozingatia wapigakura ni kuangalia kiongozi gani ana maono ya kusukuma mbele maendeleo ya jimbo lao.
"Nimeamua kutetea tena kiti changu cha ubunge kwa tiketi ya TADEA ambacho nimejiunga nacho hivi karibuni, bado nina deni la kuwatumikia wananchi wangu wa Maswa Magharibi, wanachohitaji ni maendeleo si chama cha siasa ninachopitia kugombea ubunge.
"Nawaomba wapigakura wa jimbo langu, waendelee kuniunga mkono kama walivyofanya katika Uchaguzi Mkuu 2010 nilipohama CCM na kugombea kwa tiketi ya CHADEMA kilichojaa mizengwe; sasa nimehamia TADEA, wasiangalie chama, waangalie uchapaji kazi wangu," alieleza Bw. Shibuda.
Wakati Bw. Shibuda akitangaza rasmi kutetea kiti chake cha ubunge, aliyekuwa mpinzani wake mkuu katika uchaguzi wa 2010 kwa tiketi ya CCM, Bw. Robert Kisena, inadaiwa ameshindwa kujitokeza ili kuchukua fomu ya kuwania ubunge wa jimbo hilo.
Habari zilizolifikia gazeti hili kutoka Ofisi ya CCM, wilayani Maswa, zimewataja makada watano wa chama hicho waliojitokeza kuomba kugombea ubunge ambao ni Marco Bukwimba, Mashimba Ndaki, Benjamin Tungu, Aron Mboje na Henry Nditi.
Jimbo la Maswa Mashariki linatetewa na Sylivestor Kasulumbayi (CHADEMA), ambapo hadi sasa, wanachama wa CCM waliojitokeza kuchukua fomu ni pamoja na Mwenyekiti wa CCM wilayani humo, Peter Bunyongoli na Jonathan Ngela.
Wengine ni mwanasiasa mkongwe, George Nangale ambaye ni mmiliki wa Kituo cha Redio Sibuka FM, Stanslaus Nyongo, Ally Ntegwa na George Lugomola.
JAMBO LEO
MBUNGE wa Kigoma Kusini, David Kafulila
(NCCR-Mageuzi), ametoa siri ya moyoni kwamba kashfa ya sakata la fedha za
Akaunti ya Tegeta Escrow lilimkutanisha na Makamu wa Rais Dk. Mohammed Gharib
Bilali ili kumueleza ukweli wa sakata hilo.
Vilevile,
amesema Dk. Bilal ndiye kiongozi pekee wa Serikali ambaye alionesha dhahiri
kuwa aliguswa kutokana na wizi huo wa fedha za umma.
Kafulila
alisema hayo wakati akipokea tuzo ya Mtanzania mwenye maono mapevu iliyotolewa
juzi na Taasisi ya Dream Success Enterprises, jijini Dar es Salaam.
Alisema
ametoa siri hiyo sasa kutokana na ukweli kuwa kiongozi huyo wa pili kwa
madaraka nchini kumuita na kufanya mahojiano naye kwa saa nne kuanzia saa nne
usiku hadi saa nane ili kumueleza kuhusu sakata hilo hiyo ikiwa ni baada ya
kupotoshwa na watendaji wa Serikali.
Mbunge
huyo alisema, baada ya kuitwa alipata wasiwasi mkubwa kwani haijawahi kutokea,
akalazimika kuwataarifu ndugu zake kuwa ameitwa na makamu wa rais hivyo
asiporejea wajue kwamba aliitwa na kiongozi huyo.
Kafulila
alisema baada ya kufika makamu wa rais alitaka kujua nini kipo katika sakata
hilo hiyo ikiwa ni baada ya viongozi wanapokutana na mataifa yaliyoendelea,
wahisani na mashirika ya fedha wanashindwa kuelewana hali ambayo ilichangiwa na
upotoshaji wa watendaji.
Alisema
alipofika alimueleza kila kitu kuhusu sakata hilo la Escrow ndipo Dk Bilal
akapata ufahamu na kukiri kuwa alikuwa anadanganywa na watendaji wake hivyo
kupatwa na huzuni kubwa kwa kuongea uongo mbele ya wahisani ambao walikuwa
wanajua kila kitu.
“Katika
sakata la Escrow kuna jambo ambalo sijawahi kulisema leo (juzi) nasema kwa
sababu naona watu waadilifu hawathaminiwi, nakumbuka siku moja saa nne usiku
niliitwa na Makamu wa Rais Dk. Bilal hadi sa nane ambapo alitaka nimueleze kila
kitu ninachokijua kuhusu Escrow ili aweze kujieleza mbele ya watu mbalimbali
jambo ambalo hakuna kiongozi mwingine wa Serikali alifanya hivyo.
“Nilikuwa
na taarifa yenye takribani kurasa 600 nilitumia saa nne kumueleza kila jambo,
ambapo kimsingi alionekana kuumia sana na aliniuliza hivi kweli rais anajua
haya au na yeye yupo kama mimi huku akitikisa kichwa,” alisema Kafulila.
Mbunge
huyo alisema kilichoonekana ni wazi kuwa watendaji wa Serikali waliamua
kumdanganya au nao walikuwa hawajua jambo ambalo lilimsukuma kutaka kujua
ukweli ulivyo.
Alisema
pamoja na maelezo yote ambayo aliyatoa kwa Makamu wa Rais saa tisa usiku
alifuatwa na watu ambao walikuwa na magari matatu wakimtaka asiseme yote ambayo
yapo katika taarifa yake kwani mengine ni makubwa na hatari.
Mbunge
huyo alisema siku hiyo umeme ulikatika, lakini watu hao walimpigia simu muda
wote na kumtaka waonane aligoma ila baadae alikubali pamoja na ukweli kuwa
umeme haukuwepo.
Kafulila
alisema kutokana na uzalendo huo ambao Dk. Bilal alionesha aliamini kuwa ni
mmoja wa Watanzania wazalendo na waadilifu, lakini katika jambo la kushangaza
katika mchakato wa Chama Cha Mapinduzi (CCM), kupitisha majina ya wagombea
walimkata bila kuingia hata tano bora.
“Kutokana
na uadilifu wa yule mzee nilibakiwa na mshangao pale, ambapo CCM kupitia kamati
yake ya maadili kumkata sijui wanatumia kigezo gani kuangalia uadilifu,”
alisema.
Sakata
la Escrow liliibuliwa na Kafulila ndani ya bunge, ambapo baadae lilifikishwa
katika Kamati ya Bunge ya Kudumu ya Hesabu za Serikali (PAC) ambayo ilifanyia
uchuguzi na kutoa taarifa iliyosababisha bunge kutoka na maazimio nane ili
Serikali itekeleze.
Baadhi
ya maazimio hayo ni Serikali kuwawajibisha Harbinder Singh Sethi, James
Rugemalira (VIP), Katibu Mkuu Wizara ya Nishati na Madini, Waziri wa Nishati na
Madini, Mwanasheria Mkuu wa Serikali na Wajumbe wa Bodi ya Wakurugenzi wa
Shirika la Ugavi wa Umeme Tanzania(Tanesco) walihusika kwa namna moja au
nyingine katika kufanikisha kufanyika miamala haramu ya fedha za Akaunti ya
Escrow ya Tegeta kwenda kwa makampuni ya Pan African Power Solutions Ltd.
(PAP), na VIP Engineering & Marketing (VIP).
Pia,
azimio lingine lilikuwa ni Taasisi ya Kuzuia na Kupambana na Rushwa (Takukuru),
Jeshi la Polisi na vyombo vingine husika vya ulinzi na usalama viwachukulie
hatua stahiki za kisheria, kwa mujibu wa sheria za nchi watu wote waliotajwa na
taarifa maalum ya kamati kuhusika na vitendo vyote vya kijinai kuhusiana na
miamala ya Akaunti ya Escrow, na watu wengine watakaogundulika kuhusika katika
vitendo hivyo vya jinai kufuatia uchunguzi mbali mbali unaoendelea;
Bunge
pia liliazimia Waziri wa Nishati na Madini, Waziri wa Ardhi, Nyumba na
Maendeleo ya Makazi, Profesa Anna Tibaijuka, Mwanasheria Mkuu wa Serikali (AG),
Fredrick Werema, Katibu Mkuu wa Wizara ya Nishati na Madini Eliakim Maswi na
Wajumbe wa Bodi ya Wakurugenzi wa Tanesco wawajibishwe, kwa kuishauri mamlaka
yao ya uteuzi kutengua uteuzi wao;
Aidha
azimio lingine la bunge lilikuwa ni Kamati husika za Kudumu za Bunge zichukue
hatua za haraka, na kwa vyovyote vile kabla ya Mkutano wa Kumi na Nane wa
Bunge, kuwavua nyadhifa zao Wenyeviti tajwa wa Kamati husika za Kudumu za Bunge
ambao walikuwa ni Andrew Chenge, William Ngeleja na Victor Mwambalaswa.
Azimio
lingine lilikuwa ni kumtaka Rais wa Jamhuri ya Muungano wa Tanzania aunde Tume
ya Kijaji ya Uchunguzi kuchunguza tuhuma za utovu wa maadili dhidi ya Jaji
Aloysius Mujulizi na Jaji Profesa Eudes Ruhangisa wa Mahakama Kuu ya Tanzania.
Pia,
azimio lingine lilikuwa ni mamlaka husika za kifedha na za kiuchunguzi ziitaje
Stanbic Bank (Tanzania) Ltd. na benki nyingine yoyote itakayogundulika,
kufuatia uchunguzi wa mamlaka za kiuchunguzi, kujihusisha na utakatishaji wa
fedha zilizotolewa katika Akaunti ya Escrow, kuwa ni taasisi zenye shaka ya
utakatishaji wa fedha haramu (institutions of money laundering concern).
Bunge
liliazimia pia, Serikali iandae na kuwasilisha Muswada wa marekebisho ya Sheria
iliyoiunda Takukuru kwa lengo la kuanzisha taasisi mahsusi itakayoshughulikia,
kupambana na kudhibiti vitendo vya rushwa kubwa, ufisadi na hujuma za uchumi
zinazotishia uhai wa taifa kiuchumi, kijamii na kisiasa.
Aidha
Bunge linaazimia kwamba Serikali iangalie uwezekano wa kununua mitambo ya kufua
umeme ya IPTL na kuimilikisha kwa Tanesco kwa lengo la kuokoa fedha za Shirika
hilo.
Azimio
la nane la Bunge ni Serikali itekeleze Azimio husika la Bunge mapema
iwezekanavyo na kwa vyovyote vile kabla ya kumalizika kwa Mkutano wa Bunge la
Bajeti Serikali iwasilishe taarifa ya utekelezaji wa mapitio ya mikataba ya
umeme jambo ambalo halikufanyika na kusababisha Kafulila kuomba muongozo ndani
ya bunge kila mara kuhusu lini taarifa hiyo itawasilishwa.
NIPASHE
Wasira apata wapinzani Saba, Mwakyembe 9, Juma Nkamia 13, Wamo
pia Kilango, Nyalandu, Nagu, Masele, Kamani.
Mawaziri
kadhaa wa Rais Jakaya Kikwete wamekutana na upinzani mkali majimboni kutokana
na kujitokeza kwa wanachama wengi wa Chama Cha Mapinduzi (CCM) katika majimbo
yao kuomba uteuzi wa kugombea ubunge kupitia chama hicho.
Aidha, baadhi ya wabunge
wa CCM wamekutana na upinzani mkali pia baada ya makada wenzao wengi kujitokeza
majimboni kuomba kuteuliwa.
WASIRA- BUNDA MJINI (8)
Katika jimbo lililomegwa
upya la Bunda mjini, Waziri wa Kilimo, Chakula na Ushirika, Stephen Wasira,
amepata wapinzani kupitia CCM ili waweze kupimana bana ubavu kuwania fursa ya
kuongoza kwa kipindi cha miaka mitano ijayo.
Waliochukua fomu na
kurejesha katika jimbo hilo ni pamoja na Mwenyekiti wa CCM Mkoa wa Mara,
Christopher Sanya, mfanyabiashara Robert Maboto, Magesa Julius Magesa, Simoni
Odunga, Peles Magiri, Isack Maela na Exvery Rugina.
FENELA MUKANGARA
Waziri wa Habari, Vijana,
Utamaduni na Michezo, Dk. Fenela Mukangara, atachuana na makada sita katika
jimbo jipya la Kibamba. Makada hao ni George Shayo, Mashaka Sabaya, Rashid
Mrisho, Issa Jumanne, Felix Mdeka na Goodvido Shayo.
DK. MWAKYEMBE
Waziri wa Ushirikiano wa
Afrika Mashariki, Dk. Harrison Mwakyembe ambaye pia ni Mbunge wa Kyela, mkoani
Mbeya, atakabiliana na ushindani kutoka kwa makada tisa wa chama hicho.
Makada hao ni Gabriel
Kipija, ambaye ni Mwenyekiti wa Halmashauri ya Wilaya ya Kyela, John Mwaipopo,
Prof.Leonard Mwaikambo, Gwakisa Mwandembwa, Vincent Mwamakingula, George
Mwakalinga, Benjamin Richard, Asajile Mwambambale na Ackim Jackson.
DK. MARY NAGU
Waziri wa Nchi, Ofisi ya
Rais, (Mahusiano na Uratibu), Dk. Mary Nagu, anayemaliza muda wake wa
kiliongoza Jimbo la Hanang’ atakutana na upinzani kutoka kwa Peter Nyalandu,
Aliamani Sideyeka na Mayomba Dankani.
CHIZA
Waziri wa Nchi, Ofisi ya
Waziri Mkuu (Uwezeshaji na Uwekezaji), Cristopher Chiza, atakabiliana na makada
sita waliojitokeza katika jimbo lake la Buyungu.
ANNE KILANGO
Mbunge wa Same Mashariki
ambaye pia ni Naibu Waziri wa Elimu na Mafunzo ya Ufundi, Anne Kilango,
anakabiliwa na kibarua kugumu baada ya makada nane kuchukua na kurejesha fomu
za kuomba kuteuliwa na CCM kugombea ubunge.
Hao ni Michael Kadeghe,
Dk. Eliji Kibacha, Semi Kiondo, Abraham Shakuri, Nyangasu Werema, Daudi Mambo
na Ombeni Mfariji.
PROF. MAGHEMBE
Waziri wa Maji ambaye pia
ni Mbunge wa Mwanga, Prof. Jumanne Maghembe, waliojitokeza kumpinga ni Mjumbe
wa Halmashauri Kuu ya Taifa ya CCM (Nec), Anania Thadayo, Karia Magaro, Baraka
Lolila, Amani Kidali, Ramadhan Mahuna na Japhari Mghamba.
DK. KAMANI
Mbunge aliyeangushwa na
ndugu yake katika kura za maoni 2010, Dk. Raphael Chegeni ni miongoni mwa watia
nia saba waliojitokeza kumrithi mbunge wa Jimbo la Busega, Dk. Titus Kamani.
Licha ya Dk. Chegeni na
Dk. Kamani kuchukua na kurejesha fomu, pia wapo wanachama wengine wa CCM
waliojitokeza kuwania nafasi hiyo ambao ni Benard Kibese, Igo Shing’oma, Dasias
Sweya, Robert Nyanda, Nyangi Msemakweli na Josephat Kwamba.
JUMA NKAMIA
Naibu wa Habari, Vijana,
Utamaduni na Michezo, Juma Nkamia, anakabiliwa na upinzani kutoka kwa makada
13.
Makada hao ni mwanahabari
mwandamizi, Khamis Mkotya, Fredi Duma, Juliana Magembe, Juliana Maghembe, Juma
Ilando, Yusuph Ibrahim, Idd Kisisa, Raphael Kelesa, Francis Julius, Godfrey
Mayo, Pascal Degera, Athman Hotty na Pascal Afa.
NYALANDU
Waziri wa Maliasili na
Utalii, Lazaro Nyalandu, anachuana na wagombea saba akiwamo Justine Monko,
Michael Mpombo, Othman Mungwe, Amos Makiya, Yohana Eliyasini Too, Aron Mbogo na
Sabasaba Manase.
MAJIMBO YA KIFO
BUKOBA MJINI
Jimbo la Bukoba Mjini
lina ushindani mkali kutokana na makada nane kujitokeza wakiwamo Mbunge
aliyemaliza muda wake, Balozi Khamis Kagasheki na hasimu wake mkubwa wa
kisiasa, Dk. Anatory Amani.
Wengine ni Josephat
Kaijage, George Rugahyuka, Filbert Katabazi, Elieth Projestus, Christina
Rwezaura na aliyewahi kuwa Mbunge wa jimbo hilo, Mujuni Kataraiya.
MULEBA KUSINI
Waziri wa zamani wa
Ardhi, Nyumba na Maendeleio ya Makazi, Prof. Anne Tibaijuka, ambaye ni Mbunge
anayemaliza muda wake, Prof. Anne Tibaijuka, anakabiliwa na upinzani mkali
baada ya makada tisa kujitokeza kuwania nafasi yake.
Mbali na Prof. Tinaijuka,
wengine waliochukua na kurejesha fomu ni Dk. Adam Nyaruhuma, Stephen Tumain,
Flavius Kahyoza, Buruan Rutabanzibwa, Muhaji Bushako, Kaino Mendes, Mnawaru
Amoud na Erick.
IRINGA MJINI
Makada 13 wamejitosa
kuwania ubunge katika Jimbo la Iringa Mjini.
Wamo Mwenyekiti wa CCM
Mkoa wa Iringa, Jesca Msambatavangu, Mkuu wa Wilaya ya Wanging’ombe, Frederick
Mwakalebela na Mjumbe wa Halmashauri Kuu ya CCM Taifa, Mahamudu Madenge.
Pia wamo Dk. Yahaya
Msigwa, Nuru Hepautwa, Addo November Mwasongwe, Adestino Mwilinge, Frank
Kibiki, Aidani Kiponda,
Peter Mwanilwa, Fales
Kibasa, Michael Mlowe na aliyetia nia ya kuwania urais, , Balozi Mstaafu Dk.
Augustine Mahiga.
SHINYANGA MJINI
Mbunge wa Shinyanga Mjini
na Naibu Waziri, Ofisi ya Makamu wa Rais, Stephen Masele, amekutana na upinzani
mkali, baada ya makada sita wa CCM kujitokeza kuomba kuteuliwa kupeperusha
bendera ya chama hicho.
Wanaochuana na Masele ni
Willy Mzanvas ambaye ni Mwenyekiti wa Jumuiya ya Wazazi Mkoa wa Shinyanga na
Kamanda wa Vijana wa CCM Wilaya ya Shinyanga Mjini.
Wengine ni Dk. Charles
Mlingwa, ambaye ni Mkuu wa Wilaya ya Siha; Hatibu Kazungu,Talla Mzeimana
,Abdallah Seni na Mussa Ngagara.
Wamo pia Hussein Fatu na
Charles Shingino ambaye ni Katibu Mwenezi wa CCM Wilaya ya Shinyanga Mjini.
JIMBO LA KONGWA
Anayeongoza Jimbo la
Kongwa kwa sasa ni Naibu Spika wa Bunge la Jamhuri ya Muungano, Job Ndugai.
Anakabiliwa na upinzani kutoka kwa makada nane hivyo kufanya idadi ya
wanaogombea nafasi ya kuwakilisha CCM katika kuwania ubunge wa jimbo hilo
kufikia tisa.
Makada hao ni Samwel
Chimanyi, Dk. Eliezer Chilongano, Epafra Mtango, Paschal Mahinyila, Hussein
Madeni, Simon Katunga na Joseph Palingo.
DODOMA MJINI
Kwa sasa anayewakilisha
Jimbo la Dodoma mjini ni Dk. David Malole.
Jumla ya wapinzani 10
wanashindana ili kupata ridhaa ya CCM kugombea nafasi ya kuliwakilisha.
Pamoja na Dk. Mallole,
wengine ni Anthony Kanyama, Anthony Mavunde, Emmanuel Kamara, Haidary Gulamali,
Mohammed Mgoli, Muruke Muruke, Mussa Luhamo, Robert Mtyani na Steven Masangia.
JIMBO LA MTERA
Livingiston Lusinde,
almaarufu Kibajaji ndiye mwakilishi wa Jimbo la Mtera kwa sasa.
Anakabiliwa na makada
tisa, akiwamo mtoto wa Waziri Mkuu Mstaafu, John Malecela, Samwel Malecela.
Wengine wanaowania
kumng’oa Kibajaji ni Richard Masimba, Essan Mzuri, Lameck Lubote, Dk. Michael
Msendekwa na Philip Eliezer.
SAME MAGHARIBI
Jimbo la Same Magharibi
nalo lina ushindani mkali. Waziri wa zamani wa Mifugo na Maendeleo ya Uvuvi,
Dk. Mathayo David Mathayo, atavaana na makada wenzake 13.
Waliojitosa kutaka
kumng’oa Dk. Mathayo David ni John Chaggama, Daniel Mkemi, Alfred Ngelula,
David Mawa, Amon Shahidi, Gerald William, Katery Daniel, Yusuph Singo, Michael
Mrindoko, Ahadi Kakore, Jordan Mmbaga na Mwalimu John Singo.
NKENGE
Katika Jimbo la Nkenge
makada sita watachuana ambao ni Mbunge wa zamani, Balozi Dk. Deodorus Kamara na
Mbunge anayemaliza muda wake, Asumpta Mshama. Wengine ni Julius Rugemalira, Dk.
Joachim Mazima, Dk. William Nyagwa na Frolence Kyombo.
MTAMA
Katika Jimbo la Mtama
lililoachwa wazi na Waziri wa Mambo ya Nchi za Nje na Ushirikiano wa Kimataifa,
Bernard Membe, makada wanne wanachuana ambao ni Selemani Mathew Luhongo, Rukia
Abdallah Mandindi, Ismail Selemani Mbuni na Katibu wa Halmashauri Kuu ya Taifa
(Nec) wa Itikadi na Uenezi, Nape Moses Nnauye.
CHATO
Katika Jimbo la Chato
lililokuwa likiongozwa na mbunge aliyemaliza muda wake ambaye pia ni mgombea
urais kupitia CCM, Dk. John Magufuli, limepata washindani 13 waliochukua na
kurejesha fomu.
Katibu wa CCM Wilaya ya
Chato, Khamis Mkaruka, aliwataja washindani hao ni Dk. Medard Kalemani,
Deusdedit Katwale, Simon Bulenganija, Alexus Kagunze, Abdallah Mussa na Ismail
Luge.
Wengine ni Dk. Alphonce
Chandika, Ng'aranga Magai, Majura Kasika, Nassoro Yahaya, Aman Abeid, Mkinga
Babuna Michael Wanjara, huku Francis Fredrick akishindwa kurejesha.
BUKOBA VIJIJINI
Kwa upande wa Jimbo la
Bukoba Vijijini, waliojitokeza kurudisha fomu ni aliyewahi kuwa Mbunge wa jimbo
hilo na waziri wa zamani wa Nishati na Madini, Nazir Karamagi; Mbunge
anayemaliza muda wake, Jasson Rweikiza na Nelson Sospeter.
SITTA- URAMBO
Baada ya kutochukua fomu
za kutetea kiti cha ubunge Jimbo la Urambo, Samuel Sitta, ameliacha jimbo hilo
huku kinyang’anyiro kikiwa kwa wanachama wanne akiwamo mkewe, Magreth Sitta.
Wengine waliochukua fomu
za kulitaka jimbo hilo ni Ally Maswanya, Filbert Macheyeki na Hamis Kalaye
ambao wote wamechukua na kurejesha kupitia CCM.
BARIADI MASHARIKI
Mbunge wa Bariadi
Mashariki, Andrew Chenge, ni miongoni mwa watia nia wanne waliochukua fomu na
kurejesha katika jimbo jipya la Bariadi.
Wengine waliochukua na
kurejesha fomu hizo ni Masanja Kadogosa, Cosmas Chenya na Joram Masanja, ambao
wote wanawania kwa tiketi ya Chama Cha Mapinduzi (CCM).
Hata hivyo, Katibu wa
chama hicho mkoa wa Simiyu, Hilda Kapaya, alisema hao ni miongoni mwa wanachama
44 wa chama hicho waliochukua fomu katika majimbo yote saba ya mkoa huo, kati
yao 11 kwa ajili ya viti maalum.
NYAMAGANA
Makada 17 wamejitosa
kuwania Jimbo la Nyamagana, jijini Mwanza.
MGOMBEA AZIMIA
Mgombea ubunge kupitia
CCM katika Jimbo la Peramiho, Lazaro Bunungu, ameanguka ghafla chooni nyumbani kwake
eneo la Seedfarm, Manispaa ya Songea wakati alipokuwa ameenda kujisaidia.
Habari
zilizopatikana jana mjini Songea ambazo zimedhibitishwa na mke wake Judith
Mlelwa, zilisema kuwa tukio hilo lilitokea jana saa 5:00 asubuhi nyumbani
kwake na kwamba baada ya kuona hali yake ni mbaya walilazimika kumkimbiza
hospitali kwa matibabu.
“Leo (jana) asubuhi
aliamka akiwa salama na baada ya kupata kifungua kinywa alikwenda kwenye ofisi
za CCM wilaya ya Songea kuangalia ratiba ya kampeni ya uchaguzi ndani ya chama
katika kata ya Maposeni Peramiho.” alisema.
Mlelwa alisema
baada ya kutokea tukio hilo waliwasiliana na Katibu wa CCM wilaya ya Songea
kumjulisha kuwa Bunungu hali yake ni mbaya baada ya kuanguka chooni.
Kwa upande wake,
Katibu wa CCM wa wilaya hiyo, Rajabu Uhonde aliiambia NIPASHE kuwa ofisi yake
imepokea taarifa za tukio hilo na kwamba kwa sasa wanasubiri utaratibu wa
kwenda kumuona licha ya kuwa wameambiwa alikuwa anafanyiwa mpango wa
kusafirishwa kwenda Hospitali ya Taifa Muhimbili, jijini Dar es Salaam.
Uhonde alifafanua zaidi
kuwa katika jimbo la Peramiho makada watatu akiwamo aliyekuwa waziri wa wizara
ya sera na uratibu Bungeni Jenista Mhagama walichukua fomu kwa ajili ya
kugombea ubunge kwenye jimbo hilo lakini mmoja kati ya hao fomu yake ilikatwa
kwa kuwa haikusainiwa na mgombea.
Aliwataja
waliochukua fomu kwenye jimbo hilo kuwa ni Jenista Mhagama, Razalo Bunungu
ambaye ni mtumishi wa Tanroads Tanga na mfanyakazi wa Bank ya NMB tawi la
Tunduru Cremence Makabuli Mwinuka ambaye fomu yake ilitupiliwa mbali kwa
kosa la fomu yake ya kuomba kugombea ubunge kusainiwa na mtu mwingine.
Hata hivyo Uhonde
alisema kuwa licha ya kuwa mgombea Bunungu anaumwa ratiba ya kampeni inabaki
kama ilivyopangwa na inatarajiwa kuanza leo asubuhi katika kata ya Maposeni
Peramiho.
Imeandikwa na Daniel Limbe (Chato); Ahmed Makongo (Bunda);
Anceth Nyahore (Shinyanga); Halima Ikunji (Tabora); Happy Severine (Simiyu);
Shushu Joel (Busega); Rose Joseph (Mwanza)
JAMBO LEO
Wakamatwa na bunduki 15, risasi 53,Wakutwa Mkuranga na fedha taslamu sh milioni 170
SIKU
chache baada ya Kituo cha Polisi Stakishari kuvamiwa na majambazi na kuua watu
saba wakiwamo polisi wanne, operesheni ya Jeshi la Polisi iliyokuwa ikifanyika
kuwasaka imepata mafanikio baada ya kuua majambazi watatu na kujeruhi wawili.
Habari
zilizopatikana na kuthibitishwa na Kamishna wa Kanda Maalum ya Dar es Salaam,
Suleiman Kova zinaeleza kuwa majambazi hao waliuawa eneo la Tuangoma Wilaya ya
Temeke Mkoa wa Dar es Salaam baada ya kutokea mapambano ya kutumia risasi na
askari polisi Julai 17 mwaka huu.
Kova
alisema mbali ya kuuawa kwa majambazi hayo pia walijeruhi wawili na kukamata
bundiki 15 na risasi 53 kati yake 28 zilizoibwa Kituo cha Stakishari.
Alisema
majambazi hao walinaswa katika eneo la Tuangoma wakati wakijiandaa kufanya uhalifu
mwingine ndipo wasamaria wema wakatoa taarifa.
Kova
alisema baada ya kupata taarifa kikosi maalum kilienda eneo hilo la tukio na
kuweka mtego ili kuwanasa watu hao.
Hata
hivyo, taarifa zilizopatikana zinaeleza kuwa kabla ya kuuawa kwa majambazi
hayo, polisi walizingira Msikiti mmoja Mkuranga na kukamata watu kadhaa
kuhusinana na tukio la uvamizi Stakishari.
Alisema
kutokana na taarifa zilizokuwepo askari wa kikosi hicho walisimamisha watu
watano waliokuwa wamepakizana kwenye pikipiki mbili, lakini walikaidi kusimama
ndipo mapambano ya kurushiana risasi yalipoanza.
“Wakati
mpambano huo ukiendelea watuhumiwa watano walikamatwa na kati yao walikuwa
wamejeruhiwa na hivyo walifariki dunia wakiwa njiani kukimbizwa hospitalini,”
alisema.
Alitaja
majina ya waliokufa ni Abbas Hashim, Mkazi wa Mbagala, Yasini, Mkazi wa Kivule
na Said, Mkazi wa Kitunda Kivule katika Kijiji cha Mandimkongo, Wilaya ya
Mkuranga mkoani Pwani.
Kamishna
huyo alisema watuhumiwa wawili waliobakia, mkazi wa Kijiji cha Mandimkongo
Mkuranga na mkazi wa Mbagala Kimbangulile ambao walipatikana na kuhojiwa.
Pia,
katika operesheni ya kuwasaka majambazi hao polisi walikamata bunduki aina ya
SMG ambayo namba zake zilifutwa ikiwa na risasi 25.
Alisema
katika mwendelezo wa operesheni hiyo Julai 19 zilipatikana habari za kuaminika
kwamba silaha zilizoporwa Stakishari zimefichwa mkoa wa jirani wa Pwani katika
sehemu isiyofahamika ambapo ni porini.
“Katika
ufuatiliaji kundi kubwa linaloundwa na vikosi mbalimbali vya polisi lilienda
Mkoa wa Pwani na kufanya msako, ambapo mafanikio yalionekana,” alisema.
Alisema
katika Kijiji cha Mandimkongo Kata ya Bupu, Wilaya ya Mkuranga, Mkoa wa Pwani
katikati ya msitu baada ya taarifa za kuaminika kikosi maalum kilifukua ardhini
bunduki 15 kati ya hizo saba ni aina ya SMG, nyingine saba ni aina ya SAR,
Magazine moja ya SMG yenye risasi 28.
Kova
alisema zote zimetambuliwa kwamba ni silaha za Kituo cha polisi Stakishari
zilizoporwa Julai 12.
Alisema
pia katika shimo hilo ilipatikana silaha moja aina ya Norinko ya kichana ambayo
inafanyiwa uchunguzi kujua wapi ilipoibwa.
Kova
alisema pia katika shimo hilo zilipatikana fedha taslim za Tanzania shilingi
milioni 170 ambazo zilifungwa katika sanduku.
Vilevile,
jeshi hilo lilifanikiwa kukamata pikipiki nne zilizokuwa zikitumiwa na
majambazo hao kufanyia uhalifu.
Kutokana
na tukio hilo, Kova ametangaza kiama kwa wafanyabishara wenye tabia ya kuuza
pikipiki kubadilisha majina na kwamba ni kichocheo cha uhalifu.
Pia,
Kova alitoa mwito kwa viongozi wa dini kutokubali nyumba za ibada kutumika kama
sehemu ya kufanyia mazoezi au kuhifadhia silaha kutokana na kuwa kichocheo cha
uhalifu.
Wakati huohuo jeshi hilo linawatafuta watuhumiwa wengine nane ambapo mmoja wapo
ni kiongozi wa kundi la majambazi hao, ambaye ni mkazi wa jijini Dar es salaam.
NIPASHE
Askofu
wa Kanisa la Ufufuo na Uzima, Josephat Gwajima, jana alikana kutoa lugha ya
matusi dhidi ya Askofu Mkuu wa Kanisa Katoliki Jimbo Kuu la Dar es Salaam,
Mwadhama Polycarp Kardinali Pengo, kwamba mtoto, hana akili na mpuuzi.
Askofu Gwajima alikanusha
tuhuma hizo wakati akisomewa maelezo ya awali mbele ya Hakimu Mkazi wa Wilfred
Dyansobera anayesikiliza kesi hiyo katika Mahakama ya Hakimu Mkazi Kisutu,
jijini Dar es Salaam.
Wakili wa Serikali
Mwandamizi, Joseph Maugo, alidai kuwa kati ya Machi 16 na 25, mwaka huu katika
viwanja vya Tanganyika Packers, vilivyopo Kawe jijini Dar es Salaam, mshtakiwa
alitoa lugha ya matusi kwamba ‘mimi Askofu Gwajima nasema askofu Pengo ni
mpuuzi mmoja yule, mjinga mmoja, amekula nini yule, sijui amekula nini yule
mtoto hana akili yule’ alinukuu maneno hayo.
Alidai kuwa Askofu
Gwajima alitoa maneno hayo yakufadhaisha dhidi ya Askofu Pengo na kwamba
yanaweza kusababisha uvunjifu wa amani.
Upande huo wa Jamhuri
ulidai kuwa Machi 27, mwaka huu mshtakiwa alifikishwa Kituo cha Polisi Kanda
Maalum ya Dar es Salaam kwa ajili ya kuhojiwa.
Ilidaiwa kuwa
alifunguliwa mashitaka na kufikishwa mahakamani dhidi ya tuhuma hizo.
Hata hivyo, Askofu
Gwajima alikana mashitaka hayo lakini alikiri majina yake, wadhifa wake,
kuhojiwa Kituo cha Polisi Kanda Maalum ya Dar es Salaam, kweli kanisa lake liko
Kawe na kushitakiwa mahakamani hapo.
Upande wa Jamhuri ulidai
kuwa unatarajia kuita mashahidi saba na watawasilisha vielelezo vitano.
Wakati huo huo, mahakama
hiyo imepiga kalenda kusoma maelezo ya awali ya kesi inayomkabili askofu huyo
na wenzake watatu, baada ya mshtakiwa wa nne kuwa mgonjwa.
Kesi hiyo itasikilizwa
mbele ya Hakimu Dyansobela Agosti 10, mwaka huu.
Mbali na Gwajima wengine ni
anayedaiwa kuwa mlinzi wake George Mzava,Yekonia Bihagaze na Georgey
Milulu.
Katika kesi ya msingi,
washtakiwa wote kwa pamoja wanadaiwa kuwa Machi 29, 2015 katika Hospitali ya
TMJ iliyopo Mikocheni A, jijini Dar es Salaam, washtakiwa kwa pamoja walikutwa
wakimiliki bastola aina ya Berretta yenye namba ya siri CAT 5802 bila ya kuwa na
kibali toka kwa mamlaka inayohusika na silaha na milipuko.
Alidai kuwa washtakiwa
hao walifanya kosa hilo kinyume na kifungu cha 32 (1) na cha 34 (1)(2) na(3)
cha sheria ya Silaha na Milipuko sura ya 223 iliyofanyiwa marekebisho mwaka
2010.
Upande wa Jamhuri, uliendelea kudai kuwa siku hiyo ya tukio
Mzava akiwa na wenzake hao walikutwa wakimiliki isivyo halali risasi tatu za
bastola pamoja na risasi 17 za bunduki aina ya Shotgun. Washtakiwa walikana
mashitaka yao kwa nyakati tofauti na wako nje kwa dhamana.
NIPASHE
Chama
Cha Mapinduzi (CCM), kimejigamba kwamba kimeweza kuzuia ‘mafuriko’ kwa mikono
huku kikiwatakia kila la kheri baadhi ya makada wake waliotangaza kutogombea
kupitia chama hicho pamoja na wale waliokihama na wanaotaka kukihama.
Mwishoni mwa wiki
iliyopita waliokuwa madiwani jimbo la Monduli kupitia CCM mkoani Arusha,
walitangaza kujiunga na Chama cha Demokrasia na Maendeleo (Chadema), huku
wabunge wa viti maalum, Ester Bulaya na James Lembeli aliyekuwa Mbunge wa
Kahama wakitangaza kutogombea kupitia chama hicho.
Katibu wa Itikadi na
Uenezi, Nape Nnauye, akizungumza na NIPAHE jana alisema CCM hakina uwezo wa
kuzuia mtu anayetaka kukihama kwa sababu hiyo ndiyo demokrasia.
Aidha, Nape alisema
vyombo vya habari vilimnukuu aliyekuwa mgombea urais kupitia CCM, Edward
Lowassa akisema kuwa watu hawawezi kuzuia ‘mafuriko’ kwa mikono na kwamba CCM
imeweza kufanya hivyo, lakini habari hizo haziandikwi.
Alisema wanachama
wanaotaka kuhama hawawezi kuzuiwa kwa namna yoyote na kwamba hilo ni jambo la
kawaida kufanyika kwa kada yoyote.
Akizungumzia mchakato wa
kumpata mgombea urais, ulivyokuwa ndani ya CCM, alisema ulifuata utaratibu na
kanuni zote na kwamba kama maneno mengi yataendelea kusemwa atatoa video
inayoonyesha kila kitu kilivyokuwa ndani ya kikao cha Kamati Kuu (CC).
Kuhusu makada waliokihama
chama hicho na kujiunga na CCM, Nnauye alisema baada ya Baraza la Madiwani
kuvunjwa hapakuwa tena na wawakilishi wa aina hiyo.
Alisema watu waliojiunga
na Chadema huko Monduli mkoani Arusha hawakuwa Madiwani kwa kuwa Baraza la
Madiwani likishavunjwa hakuna tena nafasi hizo za uwakilishi.
TANGAZO
Facebook Blogger Plugin by WAYEGE CO.LTD
