TANGAZO
Na
Clarence Chilumba,Masasi.
TAASISI
ya kuzuia na kupambana na Rushwa (TAKUKURU) wilayani Masasi imewafikisha
mahakamani watuhumiwa wawili akiwemo ofisa mtendaji wa kijiji cha Mbuyuni na
wakala wa usambazaji wa pembejeo za kilimo kwa tuhuma za wizi wa pembejeo hizo.
Watuhumiwa
waliofikishwa katika mahakama ya wilaya ya Masasi kujibu mashitaka 204
yanayowakabili ni Hamza Idd ambaye ni ofisa mtendaji wa kijiji cha Mbuyuni
Halmashauri ya wilaya ya Masasi pamoja na Rais Mahenge aliyekuwa wakala wa
usambazaji wa pembejeo hizo ingawa wakati mashtaka hayo yanasomwa hakuwepo
mahakami hapo.
Mbele
ya hakimu mkazi wa mahakama ya wilaya ya Masasi Halfani Ulaya,mwendesha
mashtaka wa TAKUKURU Cecilia Nshiku alisema watuhumiwa hao kwa nyakati tofauti
mnamo mwaka 2011 walitenda makosa 204 yakiwemo ya udanganyifu na matumizi
mabaya ya nyaraka za serikali kwa lengo la kujipatia fedha kinyume na taratibu
za nchi.
Nshiku
aliieleza mahakama kuwa mshtakiwa namba moja ambaye ni ofisa mtendaji wa kijiji
cha Mbuyuni Hamza Idd alitumia nyaraka za serikali kwa lengo la kumdanganya
mwajiri wake kinyume na kifungu cha 22 cha sheria ya kuzuia na kupambana na
rushwa namba 11 ya mwaka 2007.
Alisema
mshtakiwa kwa nyakati tofauti kati ya tarehe 11,12,13,14,15 na 16 mwaka 2011
alitumia vocha mbalimbali za pembejeo za kilimo zenye maelezo ya uongo zikiwa
na namba tofauti ambazo zilionesha kuwa wakulima wa kijiji hicho cha Mbuyuni
kupokea pembejeo hizo za kilimo.
Alidai
kuwa mshtakiwa alimdanganya mwajiri wake ambaye ni Halmashauri ya wilaya ya
Masasi kwa kuandika namba hewa za vocha zilizokuwa na maelezo ya uongo huku
wakulima hao wakishindwa kupata pembejeo hizo kutokana na ofisa huyo wa
serikali kwa ushirikiano na wakala wa pembejeo hizo wakidaiwa kuuza kwa wafanyabiashara.
Pembejeo
zinazodaiwa kuuzwa na ofisa mtendaji huyo akishirikiana na wakala wa pembejeo
hizo ambaye bado anatafutwa na jeshi la polisi nchini ni pamoja na mbegu za
mahindi,mbolea aina za urea na dup huku baadhi ya wakulima waliotajwa kwenye
shitaka hilo kuhusishwa kupewa pembejeo hizo ni pamoja na Mussa Likonde,Hassan
Mkito,Allen Mtwelo na Jemsi Jumapili.
Hata
hivyo mshtakiwa alikana mashtaka yote 204 na kwamba kwa kuwa kesi hiyo inatajwa
kwa mara ya kwanza hakutakiwa kujibu chochote.
Baada
ya hakimu mkazi wa mahakama ya wilaya ya
Masasi Halfani Ulaya kusikiliza upande wa mashtaka alisema dhamana iko wazi kwa
mtuhumiwa kwa masharti ya kudhaminiwa na watu wawili mmoja kati yao ni lazima
awe mtumishi wa serikali mwenye barua ya utambulisho kutoka kwa mwajiri wake na
kivuli cha kitambulisho cha kazi.
Alidai
kuwa mdhamini wa pili ni mtu yeyote mwenye mali isiyohamishika ikiwa ni pamoja
nna shamba au nyumba vyote vikiwa na thamani
ya shilingi milioni 50 na kwamba anapaswa kuwasilisha hati ya nyumba au shamba
akiwa na barua kutoka kwa mwenyekiti wa serikali ya kijiji.
Mshtakiwa
alifanikiwa kutimiza masharti ya dhamana na yuko nje kwa dhamana ambapo kesi
hiyo itatajwa tena juni 29, mwaka huu.
Mwisho.
TANGAZO
Facebook Blogger Plugin by WAYEGE CO.LTD
