TANGAZO
Na
Clarence Chilumba,Ruangwa.
HALMASHAURI
ya mji wa Masasi mkoani Mtwara imefanikiwa kuvuka lengo la uandikishaji kwenye
daftari la kudumu la wapiga kura kwa kuandikisha jumla ya watu 61,267 sawa na
asilimia 111.38 ambapo lengo lilikuwa ni kuandikisha watu 55,007.
Taarifa
hiyo imetolewa leo na Mkurugenzi wa Halmashauri ya mji wa Masasi Fortunatus
Kagoro wakati wa kikao cha kamati ya fedha ya Halmashauri hiyo na kwamba lengo
limevuka kwa asilimia 11.38 ya makadirio kwa kata zote 14.
Alisema
zoezi la uboreshaji wa daftari la kudumu la wapiga kura lilianza Aprili 24
mwaka huu na kumalizika mei 24 huku likidumu kwa muda wa siku 28 ndani ya siku saba kwa kila kanda kama ilivyoelekezwa na tume ya
Taifa ya uchaguzi.
Kwa
mujibu wa Kagoro alisema kutokana na takwimu hizo ni dhahiri kuwa zoezi hilo la
uandikishaji wilayani humo limevuka lengo ambapo hakusita kuwapongeza maofisa
waandikishaji pamoja na wataalamu wa
mashine za BVR kwa moyo waliouonesha katika kipindi chote cha zoezi hilo.
Akizungumzia
kuhusu changamoto zilizojitokeza wakati wa zoezi hilo alisema kulikuwa na
baadhi ya changamoto ikiwemo baadhi ya wananchi kujiandikisha kwenye kanda
ambazo tayari zilishaanza zoezi hilo kwa mujibu wa ratiba.
Alisema
changamoto zingine ni pamoja na kuharibika kwa BVR kits pamoja na upungufu wa
fedha za mafuta kwa ajili ya kutatua matatizo ya hitilafu za mashine zilizokuwa
zinatokea wakati wa zoezi zima la uboreshaji wa daftari la kudumu la wapiga
kura.
Alisema kwa ujumla zoezi hilo lilienda vizuri
licha ya kuwepo kwa changamoto hizo ambazo kwa kushirikiana na wataalamu kutoka
tume ya Taifa ya uchaguzi walifanikiwa kufanikisha mchakato huo muhimu kwa
watanzania hasa katika kipindi hiki kuelekea kwenye uchaguzi mkuu wa
Rais,wabunge na madiwani.
Mwisho.
TANGAZO
Facebook Blogger Plugin by WAYEGE CO.LTD
