TANGAZO
 |
| Mtoto SHAILA akiwa na Mama yake |
Mtoto aitwaye
SHAILA SHAIBU mwenye umri wa miezi sita
(6) mkazi wa kijiji cha CHIRORO kata ya Namajani Halmashauri ya wilaya ya
Masasi Mkoani Mtwara anahitaji msaada wa matibabu katika hospitali ya Rufaa ya
Muhimbili kutokana na tatizo alilonalo
la kujaa kwa maji kichwani kulikopelekea kichwa chake kuwa kikubwa.
FEDHA
INAYOHITAJIKA KWA AJILI YA UPASUAJI HUO NI SHILINGI MILIONI MOJA NA LAKI MBILI
(1,200,000/=) NA WAZAZI HAWANA UWEZO WANAOMBA WACHANGIWE KWENYE NAMBA YA SIMU
0785 101633.
Wazazi wa mtoto
huyo wanaitwa SHABANI ABASI MATATA (23) ambaye ni baba na mama ni Penina
Maurusi (20) Wote wakiwa ni wakazi wa kijiji cha Chiroro.
Akizungumza na
Blog hii Baba mzazi wa mtoto huyo Shabani Abasi alisema mtoto wao alizaliwa
akiwa hana tatizo lolote lakini mara baada ya wiki moja kupita tangu kuzaliwa
kwake alianza kuona mabadiliko kwenye macho ya mtoto huyo ambayo yalikuwa
yanazama kwa ndani.
Alisema
walijitahidi kufanya jitihada zote ili kunusuru afya ya mtoto huyo lakini
imeshinndikana na hivyo kuamua kufika katika hospitali ya mkuu wa wilaya ya
Masasi Bernald Nduta kuomba msaada ili waweze kwenda kutibiwa.
Tatizo hilo
hutokana na kuziba kwa mfereji unaopitisha maji ndani ya kichwa na kusambazwa
mwilini ambalo kitaalamu hujulikana kama HYDROCEPHALUS na ambalo huwapata
watoto kabla na baada ya kuzaliwa kwa watoto walio chini ya umri wa miaka
mitano (05).
Akizungumza na Blog ya Mtazamo Mpya Daktari wa
hospitali ya Mkomaindo Dr.Kumwembe alisema kuwa tatizo hilo huathiri ukuaji wa
mtoto ambaye hushindwa kutembea,kuongea pamoja na kukaa.
Kwa mujibu wa
daktari huyo amesema kuwa kwa kuwa hospitali ya mkomaindo Masasi haina vifaa
vya upasuaji mtoto huyo amehamishiwa katika hospitali ya Taifa ya Muhimbili kwa
upasuaji utakaogharimu kiasi cha shilingi MILIONI MOJA NA LAKI MBILI
(1,200,000/=).
Hivyo kwa yeyote
aliyeguswa na tatizo hili anaweza kutuma mchango wake kupitia namba ya simu ya
Airtel 0785 101633 ni namba ya Mhasibu wa Ofisi ya Mkuu wa Wilaya ya Masasi
Mama Anastansia Makunguru.
Baba Mzazi wa mtoto SHAILA Shabani Abasi Matata akiwa ameshikilia hati ya Rufaa waliyopewa katika hospitali ya Mkomaindo Mjini Masasi inayowataka kwenda katika hospitali ya Muhimbili kwa Matibabu zaidi.
HATI YA RUFAA KUTOKA HOSPITALI YA MKOMAINDO MASASI.
Mama Mzazi wa mtoto Shaila mwenye umri wa miezi sita (6) Penina Maurusi akiwa amemshikilia mwanae wakiwa katika ofisi za mkuu wa wilaya ya Masasi.
Wazazi wa mtoto Shaila wakiwa kwenye ofisi ya mkuu wa wilaya ya Masasi walipokuja kuomba msaada kutoka kwa wasamaria wema.
TANGAZO
Facebook Blogger Plugin by WAYEGE CO.LTD
