TANGAZO
Clarence
Chilumba,Masasi
WATUHUMIWA
saba wakazi wa kitongoji cha Mdenga kijiji cha Nangoo Halmashauri ya wilaya ya Masasi mkoani Mtwara wamefikishwa mahakamani
kujibu mashitaka sita yanayowakabili
ikiwemo kula njama pamoja na unyang’anyi wa kutumia silaha kijijini hapo.
Khatibu
Buju (35), Ramadhani Dunga (25), Kazumari Mwema (21), Makasi Benedict (35),
Mabruck Nurudini (22),Steven Salvatory (18) pamoja na mtoto mmoja mwenye umri
wa miaka 17 (Jina linahifadhiwa) walifikishwa mahakamani hapo jana mbele ya Hakimu wa mahakama ya wilaya ya Masasi Halfani Ulaya
na kusomewa shitaka na mwendesha mashtaka Iddi Nassoro.
Nassoro
alidai kuwa mnamo May 29 mwaka huu
majira ya saa 6:00 usiku hadi saa 10: 00 alfajiri katika eneo la
kitongoji cha Mdenga-Nangoo watuhumiwa hao walipanga mawe pamoja na magogo
makubwa ya miti katikati ya barabara kuu itokayo mkoani Mtwara kuelekea
wilayani Masasi kwa lengo la kufanya uvamizi na uporaji kwenye magari.
Alidai
jumla ya magari madogo sita yalivamiwa na waporaji hao huku wamiliki na madereva
wakipigwa na wengine kuumizwa vibaya ambapo pia majambazi hayo yakifanikiwa
kupora baadhi ya vitu vikiwemo simu,kadi za benki,nyaraka mbalimbali pamoja na
fedha taslimu huku wakijua kuwa kufanya hivyo ni kosa la jinai.
Nassoro
aliieleza mahakama kuwa baada ya waporaji hao kukamilisha hazma yao waliyaruhusu
magari hayo kuendelea na safari na wao kutokomea kusikojulikana lakini kutokana
na jitihada za wasamaria wema kwa kushirikiana na jeshi la polisi watuhumiwa
hao walifanikiwa kutiwa mbaroni na kufikishwa mahakamani.
Kwa
kuwa upelelezi wa kesi hiyo haujakamilika mwendesha mashtaka aliiomba mahakama
kuhairisha kesi hiyo kupisha upelelezi kwa kuwa bado wako baadhi ya watu
wengine wanahusika na tukio hilo.
Hakimu
Halfani Ulaya alikubaliana na ombi la
mwendesha mashtaka na alihairisha kesi hiyo hadi Juni 16 mwaka huu itakapotajwa
tena ambapo Watuhumiwa hao walirudishwa rumande kwa kuwa dhamana haikuwa wazi.
Mwisho.
TANGAZO
Facebook Blogger Plugin by WAYEGE CO.LTD
