TANGAZO
Na Clarence
Chilumba,Ruangwa.
MRADI wa madini ya
Kinywe wa Nachu (Nachu Graphite product)
kupitia kampuni ya Uranex iko mbioni kujenga mgodi wa madini ya Bunyu katika eneo la kitongoji cha
Liwale-Namkongo wilayani Ruangwa mkoani Lindi ifikapo Desemba 2016.
Akizungumza jana wakati
wa anatoa mada ya mradi huo kwenye kikao cha baraza la madiwani la Halmashauri
ya Wilaya ya Ruangwa mkurugenzi wa kampuni ya MTL Consulting iliyopewa kazi ya
ushauri wa mradi huo John Tindyebwa alisema viongozi wa wananchi wakiwemo
madiwani wana wajibu wa kutoa elimu kwa wananchi juu ya mradi huo ili
kuwajengea uelewa.
Alisema tayari kampuni
ya MTL Consultants imeanza tathimini pamoja na utambuzi wa mazingira ya eneo
ambapo mgodi utajengwa na unatarajia kukamilika mwishoni mwa june mwaka huu
ambapo kazi ya upembuzi yakinifu wa
mradi itakamilika Septemba na mwezi Novemba kampuni inatarajia kupokea hati ya
mazingira kutoka wizara ya mazingira baada ya kazi hiyo kukamilika.
Alisema tayari utambuzi
wa eneo litakalojengwa mgodi huo tayari imekamilika katika kitongoji cha
Liwale-Namkongo huku bwawa la kuhifadhia mabaki ya madini hayo litajengwa
kaskazini mwa mgodi huo karibu na mto Mbwemkuru.
Alisema kuwa shughuli za
usanifu wa awali wa mradi huo Zinatarajia kukamilika ifikapo Novemba mwaka huu
huku ujenzi rasmi wa mgodi utaanza mwezi januari 2016 na kwamba uzalishaji
unatarajia kuanza rasmi ifikapo Desemba 2016.
Kwa mujibu wa Tindyebwa
alisema Wilaya ya Ruangwa mkoani Lindi ni miongoni mwa wilaya nchini zilizobainika
kuwa na kiasi kikubwa cha madini hayo ya Bunyu jina ambalo linatokana na lugha
ya asili ya wenyeji wa wilaya hiyo (Wamwera) madini ambayo hapo awali yalikuwa
yanatumika kwa ajili ya shughuli za kufinyanga vyungu.
Alisema kampuni ya
Magnis Resources ya nchini Australia ndiyo iliyopewa kibali na serikali cha
kuwekeza kwenye mgodi huo ikiwa ni pamoja na ujenzi inayotarajia kutumia kiasi
cha fedha zaidi ya dola za kimarekani milioni 150 huku akikiri kuwa ni miongoni
mwa uwekezaji mkubwa kuwahi kutokea nchini.
Alisema baada ya
upembuzi yakinifu wa eneo ambapo mgodi utajengwa wanatarajia kufanya mkutano wa
hadhara na baadhi ya wananchi wapatao 600 ambao wanategemea kuwa watakuwa ni
miongoni mwa watu watakaoathirika na mradi huo ili waone namna watakavyoweza
kupanga utaratbu wa kulipa fidia za mali zao zitakazoharibiwa wakati wa ujenzi
wa mradi huo.
Akizungumzia kuhusu
namna ya wananchi wa wilaya hiyo wanakavyonufaika na ujenzi wa mgodi huo alisema
jumla ya wafanyakazi 400 wanatarajiwa kuajiriwa na kampuni hiyo ya uwekezaji
huku kwa upande wa Halmashauri inatarajia kupata kiasi cha fedha shilingi
Bilioni 2 kwa mwaka ambayo ni sawa na asilimia 0.3 ya mapato yote.
Alisema mwekezaji yuko
tayari kufanya mazungumzo na serikali ya wilaya kuona ni namna kampuni yake
itakavyosaidia katika kuboresha miundo mbinu mbalimbali ikiwemo elimu,afya,maji
pamoja na barabara ili wananchi wa wilaya ya Ruangwa waweze kunufaika na ujenzi
wa mradi huo.
Kwa upende wake mkuu wa
wilaya ya Ruangwa Mariamu Mtima alisema wananchi wa wilaya hiyo hasa wale wa
eneo husika ambapo mgodi utajengwa wanapaswa kuunga mkono jitihada za serikali
kwa kushirikiana na wawekezaji wa ndani na nje ya nchi katika kuboresha maisha
ya watanzania.
Alisema madiwani nao kwa
nafasi zao waendelee kutoa elimu kwa wananchi wa maeneo hayo ili waweze
kufahamu hatua kwa hatua katika mchakato mzima wa ujenzi wa mradi huo kwa lengo
la kuepuka migogoro inayoweza kujitokeza wakati na baada ya ujenzi wa mgodi
huo.
Mwisho.
TANGAZO
Facebook Blogger Plugin by WAYEGE CO.LTD
