TANGAZO
Na Fatuma Maumba, Mtwara
DIWANI wa Chama cha Mapinduzi (CCM)
Kata ya Vigaeni, iliyopo Halmashauri ya Mtwara-Mikindani, Mkoani Mtwara, Saidi
Nassoro, amesema kwamba yeye hajaomba Udiwani kwa sababu aje kupata riziki
ameomba Udiwani ili kuja kuleta maendeleo kwa wananchi wa Kata hiyo.
Alisema hayo jana kwenye mkutano wa
hadhara uliofanyika kwenye Kata hiyo, na kuongeza kwamba kipindi anaanza
Udiwani katika Kata yake alikuta kuna vikundi sita tu vya wajasiliamali lakini
wakati anafanya ziara alikuwa anawahamasisha akinamama, vijana na wazee waunde
vikundi na sasa hivi Kata hiyo hadi sasa kuna vikundi 26.
Nassoro alisema kuwa aliwahakikishia
wananchi hao waunde vikundi huku gharama zote za usajili atavisimamia yeye
Diwani na walifanya hivyo na hadi sasa baadhi ya vikundi zaidi ya 12 tayati
vimeshasajiliwa kwa ufadhili wa Diwani huyo.
“Kipindi naanza Udiwani kwenye Kata
hii ya Vigaeni kuna maeneo ambayo ilikuwa silali usingizi nilikuwa nawaza ni
maeneo ya Kisutu kwani kulikuwa na shida ya maji nikasema nitahakikisha
nitapigana na tutahakikisha hili tatizo tutalitatua na kweli tulifukua mifereji yote
Kata mzima na sasa hivi hatimaye kwamba maji yanaelekea sehemu inayohusika
matatizo yamepungua sana katika maeneo yale ndani ya miaka miwili sijapata simu
sasa hivi nalala usingizi, hii ndio kazi ya ccm ambayo wametuagiza wananchi
tuwatekelezee,” alisema Nassoro.
Diwani huyo alisema kuwa pamoja na
mambo yote alisema hili kuwainua kinamama na vijana kuna mfuko wa vijana na
akinamama wameweza kuusimamia katika Kata ya Vigaeni zaidi ya vikundi saba sasa
hivi vimekopa katika halmashauri yao na wamekopa na wengine wameweza kurejesha
fedha kwa wakati.
“Niwapongeze sana akinamama
kwani baadhi yao wameweza kurejesha fedha kwa wakati na vikundi vinawasaidia
tofauti na zamani walivyokuwa wanapata shida wakati ule wa Pride lakini mikopo
hii aina masharti magumu wanajianda wenyewe na mambo mengine yanaenda.
Kwa upande wake Ali Chitanda
mwanachama wa CCM, aliwataka wananchi mkoani Mtwara, wasidanganyike na
wanasiasa wababaishaji eti wasipigie katiba mpya, naomba pigieni kura katiba
mpya kwa nguvu zenu zote ili muweze kuwapigia kura Madiwani, Wabunge na Rais
ili CCM iweze kushinda kwa kishindo.
Mwisho.
TANGAZO
Facebook Blogger Plugin by WAYEGE CO.LTD
