TANGAZO
Jeshi la Polisi mkoani Mtwara
linamshikilia Daudi Innocent (31) mlinzi wa kampuni ya Naf Security kwa kukutwa
akiwa amevalia sare za jeshi la wananchi wa Tanzania kinyume na sheria.
Akizungumza na waandishi wa habari
hii leo Kamanda wa Polisi mkoa wa
Mtwara, Augustine Ollomi, alisema tukio hilo lilitokea machi 24 mwaka huu,
majira ya saa 10:00 jioni maeneo ya stendi kuu ya mabasi wilaya na mkoa wa
Mtwara ambapo askari wa jeshi la
wananchi Tanzania no.MT/98739/PTE EPHREM (29), alimkamata mtuhumiwa huyo akiwa
amevaa sare hizo wakati yeye sio askari wa jeshi hilo.
Kwa mujibu wa Kamanda Ollomi, alisema
mtuhumiwa yupo polisi kwa mahojiano zaidi na atafikishwa mahakamani baada ya
upelelezi kukamilika.
Aidha Kamanda Ollomi, ametoa wito kwa
wananchi wote kutoa taarifa polisi ikiwa watambaini au kumtilia mashaka mtu
yeyote kwani wahalifu wamekuwa wakitumia sare za majeshi katika kufanikisha
adhima yao.
Hata hivyo Kamanda Ollomi, ameonya juu
ya tabia za baadhi ya watu kujifanya kuwa watumishi wa sehemu fulani kwa kuvalia sare za sehemu husika na kwamba atakayebainika
hatua kali za kisheria zitachukuliwa dhidi yake.
Mwisho.
TANGAZO
Facebook Blogger Plugin by WAYEGE CO.LTD
