TANGAZO
TANGAZO KWA WALIOLIPIA VIWANJA VYA STENDI MPYA YA MABASI
(MIESI) MJINI MASASI.
MKURUGENZI WA HALMASHAURI
YA MJI WA MASASI ANAWATANGAZIA WANANCHI WOTE WA MJI WA MASASI WALIOLIPIA
VIWANJA KATIKA ENEO LA MIESI LITAKALOJENGWA STENDI MPYA YA MABASI KUWA WANATAKIWA
KUJA KUHAKIKI MAJINA YAO.
ZOEZI HILO LA UHAKIKI WA
MAJINA YA WANANCHI WALIOLIPIA VIWANJA HIVYO LITAANZA SIKU YA JUMANNE YA TAREHE
29/03/2016 HADI TAREHE 01/04/2016 KATIKA OFISI YA ARDHI HALMASHAURI YA MJI WA
MASASI KUANZIA SAA 3:00 ASUBUHI HADI SAA 9:30 JIONI.
ORODHA YA MAJINA YA
WANANCHI WOTE WALIOLIPIA VIWANJA VYA HUKO MIESI ITABANDIKWA KWENYE MBAO ZA
MTANGAZO ZILIZOPO KATIKA OFISI YA IDARA YA ARDHI HALMASHAURI YA MJI WA MASASI
ILI KILA MUHUSIKA AONE JINA NA NAMBA YAKE YA KIWANJA ALICHOLIPIA.
AIDHA MKURUGENZI WA
HALMASHAURI YA MJI WA MASASI ANAWATAARIFU WANANCHI HAO KUWA BAADA YA ZOEZI HILO
LA UHAKIKI WA MAJINA KUKAMILIKA KUTAKUWA NA KIKAO CHA PAMOJA KATI YA WANANCHI
HAO PAMOJA NA WAKUU WA IDARA WA HALMASHAURI YA MJI WA MASASI KITAKACHOFANYIKA
SIKU YA JUMAMOSI YA TAREHE 02/04/2016 KATIKA UKUMBI WA MIKUTANO WA HALMASHAURI
YA MJI WA MASASI KUANZIA SAA 3:00 ASUBUHI.
KATIKA KUFANIKISHA ZOEZI
HILI MUHIMU KWA MAENDELEO YA MJI WA MASASI WANANCHI WOTE MLIOLIPIA VIWANJA
MNAPASWA KUSHIRIKI KIKAMILIFU KATIKA HATUA ZOTE MUHIMU ZA MCHAKATO HUU IKIWEMO
UHAKIKI WA MAJINA PAMOJA NA KUSHIRIKI SIKU YA KIKAO CHA PAMOJA NA UONGOZI WA
HALMASHAURI YA MJI WA MASASI.
LENGO LA MCHAKATO HUO NI
KATIKA KUHAKIKISHA KWAMBA KILA MWANANCHI ALIYELIPIA VIWANJA HIVYO ANASHIRIKI
KIKAMILIFU KATIKA HATUA ZOTE KABLA YA ZOEZI RASMI LA UJENZI WA STENDI HIYO MPYA
NA YA KISASA HALIJAANZA MAPEMA MWEZI APRIL 2016.
“EWE
MWANANCHI KUMBUKA USHIRIKI WAKO KATIKA ZOEZI HILI NI CHACHU YA MAENDELEO KATIKA
MJI WA MASASI”.
KWA
MAELEZO YA KINA NA UFAFANUZI ZAIDI TEMBELEA www.masasitc.go.tz
Au sikiliza Vipindi vya Redio vya Fadhila Fm) 95.0) Mjini Masasi pamoja na Matangazo
ya Barabarani (PA).
WOTE
MNAKARIBISHWA!!!!!!
Clarence
Antony Chilumba,
Ofisa
Habari na Uhusiano,
Halmashauri
ya Mji wa Masasi.
24/03/2016.
TANGAZO
Facebook Blogger Plugin by WAYEGE CO.LTD
