TANGAZO
 |
| Hakimu Halfani Ulaya akiwaapisha viongozi hao |
Waaswa kuacha
itikadi za kisiasa
Na Clarence Chilumba,
Masasi.
Mwenyekiti wa
Halmashauri ya mji wa Masasi ambaye pia ni diwani wa kata ya Nyasa amewataka
wenyeviti wa mitaa na vitongoji katika Halmashauri hiyo mkoani Mtwara kuacha
mara moja itikadi zao za kisiasa ili waweze kutekekeleza majukumu yao kwa lengo
la kuiletea Halmashauri maendeleo.
Aidha amewaagiza
wenyeviti hao kusimamia usafi wa mazingira katika mji wa Masasi sambamba na
kuhakikikisha kuwa watoto wote waliomaliza elimu ya msingi kwa mwaka 2014
wanajiunga na kidato cha kwanza shule zitakapofunguliwa January 13 mwaka huu.
Pia amewaonya
kutojiingiza kwenye migogoro isiyo ya lazima miongoni mwao na kwamba kuwepo kwa
vitendo hivyo kwa viongozi waliopewa dhamana ya kuongoza kama wao ni
kusababisha wananchi kukata tamaa hivyo wakati mwingine kufanya maamuzi yasiyo
na tija kwa jamii.
Aliyasema hayo jana
wakati wa zoezi la kuwaapisha wenyeviti wa vitongoji na mitaa wa Halmashauri ya
mji wa Masasi mkoani humo ambapo alisema itikadi zao za kisiasa zimeisha mara
baada ya kuapa na kwamba kwa sasa kilichobaki ni kujenga uchumi wa Masasi kwa
kushirikiana na wahisani wa nje pamoja na sekta binafsi.
Alisema Halmashauri
ya Mji wa Masasi inategemea sana vyanzo vya mapato ya ndani ikiwemo kodi za
majengo,maduka,leseni za biashara mbalimbali pamoja na ushuru wa mazao
mchanganyiko na kwamba ili makusanyo yawe mazuri ni wajibu wa viongozi hao wa
vitongoji na mitaa kutoa ushirikiano kwa maofisa wenye dhamana ya kukusanya
mapato.
Mtumusha alisema kuwa
pamoja na jitihada kubwa zinazofanywa na Halmashauri katika kusimamia usafi wananchi pia wana
wajibu wa kutunza maeneo ya mji wa Masasi yasiharibiwe na kwamba hakusita
kuwanyooshea kidole baadhi ya wananchi ambao wamekuwa na tabia ya kutupa takataka
kwenye maeneo yaliyojengwa makalavati na mifereji hali inayopelekea kuziba kwa
makalavati na mifereji hiyo na
kusababisha maji kuharibu barabara.
“Ndugu zangu wenyeviti wa
mitaa na vitongoji kuongoza watu ni kazi inayohitaji moyo wa uzalendo na kwamba
ili kufikia malengo mliyojiwekea ni lazima muwe wabunifu wa kubuni miradi ya
maendeleo kwenye maeneo yenu… hapo mtakuwa mmetimiza majukumu yenu”.Alisema
Mtumusha.
Akizungumzia kuhusu suala
la uwepo wa viashiria vya vitendo vya rushwa kwa baadhi ya wenyeviti hao
alisema ni wakati muafaka sasa umefika kwa viongozi hao kuacha vitendo hivyo na
kwamba wazibe mianya yote ya rushwa inayoweza kujitokeza kwenye maeneo yao ya
utawala.
Alisema viongozi hao wawe
na moyo wa kujituma katika majukumu yao na kwamba watengeneze mbinu mbadala
zitakazosaidia kuwahamasisha wananchi katika shughuli mbalimbali za maendeleo
ikiwemo ujenzi wa maabara unaoendelea mjini humo.
Mwisho.
TANGAZO
Facebook Blogger Plugin by WAYEGE CO.LTD
