TANGAZO
.jpg) |
| Moja ya Ajali Mkoani Mtwara |
Ajali za barabarani Mtwara zapungua
Na Clarence Chilumba,
Mtwara
Ajali za barabarani
zinazozababishwa na vyombo vya moto vinavyotumia barabara katika mkoa wa
Mtwara zimepungua kutoka ajali 177 mwaka 2013 hadi kufikia ajali 135 mwaka 2014
ambapo kati ya hizo ajali 71
zimesababisha vifo huku ajali 64 zikisababisha majeruhi.
Aidha kwa mwaka 2013 watu 336 walijeruhiwa huku mwaka 2014 watu
waliojeruhiwa ni 190 pekee huku watu 95 wakipoteza maisha kwa mwaka 2013 na
mwaka 2014 waliofariki dunia ni watu 85 na kwamba ajali za pikipiki nazo zikiendelea kupungua
kwa mwaka 2014 tofauti na mwaka 2013.
Pia
ajali za pikipiki mkoani humo zimeendelea kupungua kwa kiwango kikubwa ambapo
mwaka 2013 kulikuwa na ajali 77 huku mwaka 2014 zikiwa ajali 50 huku kati ya
hizo 42 zikisababisha vifo kwa mwaka 2013 na kwa mwaka 2014 ni ajali 26 pekee
ndizo zilizosababisha vifo.
Taarifa
hiyo iliendelea kudai kuwa watu waliofariki katika ajali za pikipiki kwa mwaka
2013 ni 42 huku watu 27 wakijeruhiwa mwaka 2014 ambapo majeruhi wakiwa ni 83
mwaka 2013 na watu 62 wakijeruhiwa katika ajali mkoani humo kwa mwaka 2014.
Kamanda
wa Polisi Mkoani Mtwara Augustino Ollomi aliyasema hayo wakati anaongea na mwandishi
wa habari hii aliyetembelea ofisini kwake ili kupata taarifa za usalama
barabarani kwa mwaka uliopita.
Alisema
kwa ujumla kiwango cha ajali kimepungua kwa asilimia 24 mkoani humo kutokana na
juhudi zinazofanywa na jeshi la polisi chini ya kikosi cha usalama barabarani
na kwamba licha ya kiwango hicho kupungua bado jeshi la polisi mkoani Mtwara
limejipanga kupunguza zaidi ajali hizo ambazo chanzo chake ni uzembe wa
madereva.
“Licha
ya kiwango cha ajali kupungua lakini bado takwimu hizi hazifurahishi hata
kidogo… kwa kuwa bado maisha ya wananchi yanaendelea kupotea na wengine
wakibaki na ulemavu wa kudumu na chanzo cha ajali hizi ni baadhi ya madereva
ambao ni wazembe na wasiozingatia sheria kwa makusudi”.Alisema Ollomi.
Kamanda
Ollomi alisema katika kupambana na madereva wazembe ambao huendesha vyombo
hivyo vya barabarani bila kujali uhai wa watu wanaowaendesha jeshi lake mkoani
humo limekuwa likiendesha operesheni maalumu ikiwemo zoezi la utozaji wa faini
kwa madereva wanaokutwa na makosa mbalimbali wanapokuwa barabarani.
Alisema
tayari wameshawafutia leseni madereva wanane kutokana na makosa mbalimbali huku jeshi hilo mkoani humo likifanikiwa kukusanya fedha kutokana na malipo ya
faini jumla ya shilingi milioni 435 kwa mwaka 2014 huku mwak 2013 likikusanya
kiasi cha milioni 305 ikiwa ni ongezeko la tozo la shilingi milioni 129.
Kwa
mujibu wa kamanda huyo mkoani Mtwara alisema kwa mwaka 2013 jumla ya waendesha
bodaboda 720 wamepitiwa kwenye vijiwe vyao vipatavyo 45 kwa ajili ya kuwapa
elimu juu ya umuhimu wa kuzingatia sheria za usalama barabarani na kwamba
kutokana na elimu hiyo jumla ya waendesha bodaboda 1426 walipata leseni za
udereva.
Kamanda
Ollomi aliitaja mikakati iliyowekwa na jeshi hilo mkoani humo ikiwa ni pamoja
na kutoa elimu kwa madereva,watembea kwa miguu pamoja na watumiaji wote wa
barabara umuhimu wa kuzingatia sheria za usalama barabarani.
Aidha
mikakati mingine iliyotajwa na kamanda Ollomi ni ukaguzi wa kila siku katika
wilaya zote za mkoa wa Mtwara wa magari yanayoelekea jijini Dar es salaam
ukaguzi ambao hufanywa na maofisa wa kikosi cha usalama barabarani
ukaguzi wenye lengo la kupunguza ongezeko la ajali mkoani humo.
Kamanda
huyo amewataka watumiaji wa barabara mkoani Mtwara kutii sheria za usalama
barabarani bila shuruti kusudi kuepusha ajali zinazoweza kuzuilika
zinazochangia kupatikana kwa vifo, majeruhi,au vilema vya maisha.
Mwisho.
TANGAZO
Facebook Blogger Plugin by WAYEGE CO.LTD
